TRENDING:
मार्श आणि हेडच्या अर्धशतकांनंतर ऑस्ट्रेलियाचा स्कोअर 200 रनच्या पुढे जाईल, असं वाटत होतं, पण श्रीलंकेच्या बॉलरनी ऑस्ट्रेलियाच्या स्कोअरला ब्रेक लावला. यामध्ये श्रीलंकेच्या फिल्डिंगनेही मोलाचं योगदान दिलं. 4 विकेट गेल्यानंतर इंग्लिस आणि मॅक्सवेल यांनी श्रीलंकेवर पुन्हा आक्रमण करायला सुरूवात केली, त्यातच पथुम निसंका याने दुष्मंता चमिराच्या बॉलिंगवर 16 व्या ओव्हरच्या दुसऱ्या बॉलला धोकादायक मॅक्सवेलचा कॅच सोडला.
advertisement
मॅक्सवेलचा हा कॅच श्रीलंकेला महागात पडणार असं वाटत होतं, पण 4 बॉलनंतर 17 व्या ओव्हरच्या पहिल्याच बॉलला पथुम निसंकानेच मॅक्सवेलचा अशक्य असा कॅच घेतला. मॅक्सवेलने दुशन हेमंताच्या बॉलवर रिव्हर्स स्वीप मारली, तेव्हा बॅकवर्ड पॉईंटला उभ्या असणाऱ्या निसंकाने उडी कॅच घेतला. यंदाच्या टी-20 वर्ल्ड कपमधल्या सर्वोत्तम कॅचमध्ये या कॅचची गणना होत आहे.
ऑस्ट्रेलियासाठी करो या मरो
यंदाच्या टी-20 वर्ल्ड कपमध्ये ऑस्ट्रेलियाला झिम्बाब्वेने पराभवाचा धक्का दिला आहे, त्यामुळे सुपर-8 ला पोहोचण्यासाठी ऑस्ट्रेलियाला कुठल्याही परिस्थितीमध्ये श्रीलंकेविरुद्धचा सामना जिंकवा लागणार आहे. ग्रुप बी मध्ये सध्या श्रीलंका 2 सामन्यात 2 विजयांसह पहिल्या क्रमांकावर आहे, तर झिम्बाब्वेनेही 2 सामन्यात 2 विजय मिळवले आहेत, त्यामुळे ते दुसऱ्या क्रमांकावर आहेत. तर ऑस्ट्रेलिया 2 सामन्यांमध्ये 1 विजय आणि एका पराभवासह तिसऱ्या क्रमांकावर आहे.