दोन खेळाडूंची बाजी
वर्धा येथील महावीर वासुदेवराव वरहारे हे कॉम्बॅक्ट खेळाडू आहेत. त्यांनी (-98 kg) वजन गटात सीनियर कॅटेगिरी्त कॉम्बॅक्ट सॅम्बोमध्ये बांगलादेशच्या स्पर्धकावर मात करत सिल्वर मेडल मिळवलेय. तसेच मार्शल आर्ट खेळाडू विक्रांत विजय गव्हाणे यांनी (-88 kg) वजन गटात सीनियर कॅटेगिरी कॉम्बॅक्ट सॅम्बोमध्ये श्रीलंकेच्या स्पर्धकावर विजय मिळवून कांस्यपदक पटकावलं.
advertisement
विदर्भातील अनोखा एस्ट्रो क्लब, विद्यार्थ्यांनी बनवलेल्या दुर्बिणीतून होतंय अंतराळ दर्शन
अशी केली स्पेर्धेची तयारी
सहावी ते सातवीत असताना पासून खेळाडू गव्हाणे यांनी मार्शल आर्ट्स मधील विविध खेळ खेळण्यास सुरुवात केली. त्यांना खेळण्यांमध्ये अधिकच रुची होती. त्यामुळे वेगवेगळ्या खेळांमध्ये त्यांनी सहभागी होऊन यश प्राप्त केलं. सध्या मार्शल आर्ट्स या प्रकारामध्ये मोडणाऱ्या सॅम्बो खेळाची तयारी करण्यासाठी ते स्वतःच्या फिटनेस कडे काळजीपूर्वक लक्ष देत असून वर्ध्यातील हनुमान टेकडीवर प्रॅक्टिस, रोज धावणे, उड्या मारणे, किकिंग तसेच त्यांच्या घरी देखील कीक बॅग असून त्यावर प्रॅक्टिस करतात. जिल्हा क्रीडा संकुल येथील हॉल मध्ये देखील नियमित प्रॅक्टिस केली जातेय, त्याचेच हे फळ असल्याचं ते सांगतात.
वर्धेकरांसाठी अभिमानाची बाब
ही स्पर्धा वेगवेगळ्या वजन गटामध्ये घेतली जाते. ज्यात विक्रांत गव्हाणे यांनी -88 किलो वजन गटात कांस्य पदक प्राप्त केले आहे. तर कॉम्बॅक्ट खेळाडू महावीर वासुदेवराव वरहारे यांनी -98 किलो वजनगटात रौप्यपदक प्राप्त केले आहे. वर्ध्यातील दोन खेळाडूंनी विदेशात अतिशय चांगली कामगिरी बजावल्या बद्दल वर्ध्यात अभिनंदन करून सत्कारही करण्यात आला.
दिव्यांग तरुणाच्या कल्पकतेचा जगभर डंका, मूकबधिर मुलांचं शिक्षण झालं सोप्पं, Video
काय म्हणाले कांस्य विजेते गव्हाणे?
कांस्यपदक प्राप्त केल्यानंतर खेळाडू गव्हाणे यांनी आपल्या भावना व्यक्त केल्या. त्या स्पर्धेत मी कांस्य पदक प्राप्त केलं असलं तरीही माझ्यासाठी आनंदाची अभिमानाची बाब असल्याचं ते सांगतात. वर्ध्यासारख्या छोट्या जिल्ह्यात अनेक खेळाडू तयार होऊन मार्शल आर्ट या खेळ प्रकारात उत्कृष्ट कामगिरी करत आहेत. या खेळाडूंनी नावलौकिक मिळवावा यासाठी आम्हीही प्रयत्नशील असू अशा भावना प्रशिक्षक आणि यशस्वी खेळाडूंनी व्यक्त केल्या.