TRENDING:
पहिले बॅटिंग करणाऱ्या मुंबई इंडियन्सच्या नॅट सायवर ब्रंटने नाबाद 65 रन केले, तर कर्णधार हरमनप्रीत कौरने 41 रनचं योगदान दिलं. मुंबईविरुद्धच्या या सामन्यात विजय मिळवून दिल्लीने त्यांचं प्ले-ऑफचं आव्हान कायम ठेवलं आहे. RCB ने लागोपाठ 5 मॅच जिंकून आधीच प्ले-ऑफमधलं स्थान निश्चित केलं आहे.
मुंबईच्या आव्हानाचा पाठलाग करायला आलेल्या दिल्लीकडून शफाली वर्मा आणि लिझेल ली यांनी धमाकेदार सुरूवात केली. दोघींमध्ये 63 रनची ओपनिंग पार्टनरशीप झाली. शफाली वर्मा 29 रन करून आऊट झाली, तर 11 व्या ओव्हरमध्ये लिझेल ली च्या स्टम्पिंगवरून गोंधळ झाला. लिझेल ली खेळत असताना विकेट कीपरने स्टम्पिंगसाठी अपील केलं, यानंतर लेग अंपायरने थर्ड अंपायरकडे निर्णय पाठवला. रिप्ले पाहिल्यानंतर एका एँगलमध्ये लिझेलची बॅट जमिनीला टेकलेली वाटत होती, तर दुसऱ्या एँगलमध्ये बॅट हवेत दिसत होती. अखेर थर्ड अंपायरने बराच वेळ घेतल्यानंतर लिझेलला आऊट दिलं.
पॉईंट्स टेबलमध्ये बदल
या सामन्याच्या आधी दिल्ली पॉईंट्स टेबलमध्ये सगळ्यात शेवटच्या क्रमांकावर होती, पण आता मुंबईचा 7 विकेटने पराभव केल्यानंतर दिल्लीचे 5 सामन्यांमध्ये 2 विजयांसह 4 पॉईंट्स झाले आहेत. दिल्लीची टीम आता टेबलमध्ये चौथ्या क्रमांकावर आहे. तर गुजरात शेवटच्या क्रमांकावर आहे. या पराभवामुळे मुंबईचं पॉईंट्स टेबलमध्ये नुकसान झालं नसलं, तरी त्यांच्या नेट रनरेटला मात्र धक्का बसला आहे.