नवऱ्याचा अचानक मृत्यू, सासूचा विरोध, तरीही 'या' महिलेने सुरू केली नर्सरी; आता करतीय लाखोंची कमाई

सासूबाईंचा सुरुवातीला कामाला विरोध

'लोकल 18' शी बोलताना रुबी कुमारी म्हणाली की, तिचे लग्न 2010 मध्ये झाले होते. तिचा नवरा कृष्णनंदन कुमार हा ड्रायव्हर होता, ज्याचा 2013 मध्ये एका रस्ते अपघातात मृत्यू झाला. यानंतर घराची परिस्थिती खूप बिकट झाली. दरम्यान, ती कशीतरी हिरव्या भाज्यांची शेती करून कुटुंबाचा गाडा ओढत होती. पण जेव्हा मुलांच्या शिक्षणाचा प्रश्न आला, तेव्हा घराची परिस्थिती आणखी बिकट झाली.

advertisement

दरम्यान, काही महिलांनी तिला जीविकाबद्दल सांगितले. ती 2016 मध्ये जीविकामध्ये सामील झाली आणि 2023 मध्ये रोपवाटिकेसाठी कर्ज घेऊन तिने नर्सरी सुरू केली. रुबीने सांगितले की, जेव्हा तिने हे काम सुरू केले, तेव्हा तिच्या सासूबाईंनी नकार दिला होता. मात्र, रुबीने सासूबाईंना समजावून नर्सरी सुरू केली.

रुबीच्या नर्सरीत 13 वेगवेगळ्या प्रकारची रोपं

आज तिच्या सासूबाईही तिला कामात मदत करतात. रुबीने सांगितले की, तिने स्वतःच्या जमिनीत नर्सरी सुरू केली आहे. या नर्सरीत 13 प्रकारची रोपं उपलब्ध आहेत, जी ती जीविका समूहामार्फत विकते. नर्सरीत तयार केलेली रोपं जीविका कार्यालयाशी संबंधित महिलांना सवलतीच्या दरात विकली जातात. याशिवाय वन विभागही रोपे खरेदी करतो आणि जीविकामार्फत पैसे देतो. रुबी हे काम दोन वर्षांपासून करत आहे आणि खर्च वजा होता दरवर्षी 4 लाख ते 5 लाख रुपये नफा कमवत आहे. सध्या तिच्याकडे आंबा, लिची, पेरू, पपई, लिंबू, आवळा, फणस, सागवान, महोगनी, अर्जुन आणि इतर रोपे आहेत. याशिवाय रुबी हिरव्या भाज्यांची शेती आणि पशुपालन देखील करते.

हे ही वाचा : पहिल्याच प्रयत्नात UPSC क्रॅक! 21 वर्षीय आकाशने कोचिंगशिवाय मिळवले यश, शेतकऱ्याचा मुलगा बनला IAS

हे ही वाचा : 3 वेळा अपयश आलं, तरीही मानली हार! कार्यालयात काम करत होत्या सौम्या मिश्रा, तेव्हाच रिझल्ट लागला अन् बनल्या IAS!