ऍपलने नुकत्याच लाँच केलेल्या आयफोन 17 सीरिजमधील कॉस्मिक ऑरेंज (भगव्या) रंगाच्या फोनने ग्राहकांमध्ये मोठी उत्सुकता निर्माण केली. ह्या रंगाचा फोन प्री बुकिंगमध्येच आऊट ऑफ स्टॉक झाला होता. दिल्लीतील एका ऍपल स्टोअरमधून हा नवा फोन खरेदी करण्यासाठी ग्राहकांनी मोठी गर्दी केली होती. त्यावेळी एका मुस्लीम ग्राहकाने कॉस्मिक ऑरेंज रंगाचा फोन खरेदी केल्यावर आपला आनंद व्यक्त केला.
advertisement
तो ग्राहक म्हणाला, "मी सकाळपासून रांगेत उभा होतो आणि मला या रंगाचा आयफोन विकत घेतल्याचा खूप आनंद आहे. मला खात्री आहे की, भारतात हा भगव्या रंगाचा फोन खूप लोकप्रिय होईल. मी मुस्लिम असलो तरी मला हा रंग खूप आवडला आहे, असं म्हणत त्याने आपण विकत घेतलेल्या फोनला किस्स करत आनंद व्यक्त केला"
अॅपलने पहिल्यांदाच हा रंग लाँच केला आणि त्यातही सर्वात जास्त लोकप्रिय ठरला आहे. Apple च्या नव्या iPhone 17 Pro Max ने लाँच होताच धुमाकूळ घातला आहे. विशेषतः या फोनच्या कॉस्मिक ऑरेंज रंगाची मागणी इतकी प्रचंड आहे की, अमेरिका आणि भारत दोन्ही देशांमध्ये अवघ्या तीन दिवसांतच त्याचा संपूर्ण स्टॉक संपला आहे. भारतात तर Apple च्या अधिकृत स्टोअर्समध्येही सध्या हा फोन इन-स्टोअर पिकअपसाठी उपलब्ध नाही.
कॉस्मिक ऑरेंज एवढा खास का?
Apple च्या तज्ज्ञांनुसार, iPhone 17 Pro Max Cosmic Orange साठी मोठ्या प्रमाणात प्री-बुकिंग झाली, ज्यामुळे तो इतक्या लवकर विकला गेला. कॉस्मिक ऑरेंज हा रंग iPhone 17 सीरिजमध्ये पहिल्यांदाच हा रंग आणला आहे. त्याचा आकर्षक प्रीमियम मॅट फिनिश ग्राहकांना खूप आवडला आहे. वाढती मागणी लक्षात घेता, कंपनी आता या रंगाचा नवीन स्टॉक लवकरच उपलब्ध करण्यासाठी काम करत आहे.
किती रुपयांना मिळणार आयफोन
iPhone 17 256GB - 82,900 रुपये
iPhone 17 512GB - 1,02,900 रुपये
iPhone Air 256GB - 1,19,900 रुपये
iPhone Air 512GB - 1,39,900 रुपये
iPhone Air 1TB - 1,59,900 रुपये
iPhone 17 Pro 256GB - 1,34,900 रुपये
iPhone 17 Pro 512GB - 1,54,900 रुपये
iPhone 17 Pro 1TB - 1,74,900 रुपये
iPhone 17 Pro Max 256GB - 1,49,900 रुपये
iPhone 17 Pro Max 512GB - 1,69,900 रुपये
iPhone 17 Pro Max 1TB -1,89,900 रुपये