CERT-In च्या रिपोर्टनुसार, Microsoft प्रोडक्ट्समध्ये अनेक सुरक्षा त्रुटी आढळल्या आहेत. या त्रुटींचा फायदा घेऊन हॅकर्स तुमची सिस्टम हॅक करू शकतात. अलर्टमध्ये असे म्हटले आहे की या त्रुटीमुळे, हॅकर्स यूझर्सच्या डिव्हाइसेसवर नियंत्रण ठेवू शकतात, संवेदनशील माहिती चोरू शकतात, रिमोट कोड एक्झिक्युशन हल्ले करू शकतात, सुरक्षा बायपास करून सिस्टम सेटिंग्ज बदलू शकतात आणि डिनायल ऑफ सर्व्हिस(DoS) अटॅक देखील करू शकतात.
advertisement
सोप्या भाषेत सांगायचे तर, जर हॅकर्स या त्रुटींचा फायदा घेतात तर ते तुमच्या पीसीचे नुकसान करू शकतात, डेटा चोरू शकतात आणि सिस्टम क्रॅश देखील करू शकतात.
30,000 हून कमीमध्ये मिळताय हे 6 दमदार स्मार्टफोन्स! झटपट चेक करा डिटेल्स
कोणाला धोका आहे?
CERT-In ने म्हटले आहे की, या त्रुटी फक्त विंडोजपुरत्या मर्यादित नाहीत. उलट, अनेक मायक्रोसॉफ्ट उत्पादनांनाही धोका आहे. यामध्ये मायक्रोसॉफ्ट विंडोज, मायक्रोसॉफ्ट ऑफिस (वर्ड, एक्सेल, पॉवरपॉइंट), मायक्रोसॉफ्ट डायनॅमिक्स, एज ब्राउझर, अझूर क्लाउड प्लॅटफॉर्म, एसक्यूएल सर्व्हर, डेव्हलपर टूल्स आणि सिस्टम सेंटर यांचा समावेश आहे.
तुम्ही पर्सनल लॅपटॉप चालवत असाल किंवा मोठ्या कंपनीचा लॅपटॉप, जर तुम्ही मायक्रोसॉफ्टची सिस्टम किंवा अ‍ॅप वापरत असाल तर तुम्ही या धोक्यात आहात.
सुरक्षित कसे राहायचे?
मायक्रोसॉफ्टने या त्रुटी दूर करण्यासाठी सुरक्षा अपडेट्स जारी केले आहेत. कंपनी म्हणते की, आतापर्यंत या त्रुटींचा मोठ्या प्रमाणात गैरवापर झाला नाही, परंतु सिस्टम अपडेट करणे आवश्यक आहे.
Smart TV मुळेही प्रायव्हसी येऊ शकते धोक्यात! लगेच चेंज करा ही सेटिंग
Windows अपडेट करा: सेटिंग्जमध्ये जा, Update & Securityवर क्लिक करा आणि लेटेस्ट अपडेट इन्स्टॉल करा. ऑटो अपडेट चालू करा जेणेकरून प्रत्येक नवीन पॅच आपोआप इन्स्टॉल होईल. अपडेटनंतर सिस्टम रीस्टार्ट करा.
तुम्ही Microsoft Office किंवा Azure सारख्या सेवा वापरत असाल तर त्यांचे अपडेट्स देखील तपासा. तुम्ही अपडेट केले नाही तर हॅकर्स तुमची सिस्टम हॅक करू शकतात आणि तुमचा डेटा चोरू शकतात.