नवीन गिझर घेण्याचा विचार करत असाल, तर त्याचं साइज आणि स्टार रेटिंग तपासणं खूप महत्त्वाचं आहे. अनेकदा लोक चुकीने खूप मोठा किंवा खूप लहान गिझर घेतात. छोटा गिझर घेतल्यास वारंवार ऑन करावा लागतो आणि मोठा गिझर घेतल्यास गरजेपेक्षा जास्त वीज खर्च होते. त्यामुळे जेवढी गरज आहे तेवढाच गिझर वापरा.
4 स्टार किंवा 5 स्टार रेटिंग असलेला गिझर नेहमीच जास्त ऊर्जा-कार्यक्षम ठरतो.
advertisement
लहान कुटुंबासाठी 15-20 लिटरचा गिझर पुरेसा आहे, तर मोठ्या कुटुंबासाठी 25-30 लिटर क्षमता योग्य ठरते.
वेळेचं भान ठेवा
हिवाळ्यात अनेकदा लोक गिझर ऑन करून विसरतात आणि तो बराच वेळ चालू ठेवतात. असं केल्याने वीज वाया जाते आणि बिल वाढतं.
पाणी गरम करण्यासाठी फक्त 10 ते 15 मिनिटं आधी गिझर सुरू करा आणि वापर झाल्यावर लगेच बंद करा.
असं केल्याने पाणीही गरम होईल आणि विजेची अनावश्यक वापर टळेल.
थंडी वाढली की अनेकजण गिझरचं टेंपरेचर पूर्ण हाय ठेवतात. पण त्यामुळे गिझरचं हीटिंग एलिमेंट जास्त काम करतं आणि वीज जास्त खर्च होते.
गिझरचं तापमान 40 ते 50 डिग्री सेल्सिअसच्या दरम्यान ठेवणं उत्तम. यामुळे पाणी पुरेसं गरम राहील आणि विजेची बचत होईल.
जर गिझरच्या पाइप्स उघड्या जागेत बसवल्या असतील, तर त्या मधून उष्णता पटकन बाहेर निघते. त्यामुळे इन्सुलेटेड पाइप आणि टँक वापरा. यामुळे पाणी जास्त वेळ गरम राहील आणि वारंवार गिझर चालू करण्याची गरज पडणार नाही.
टँकची स्वच्छता नियमित करा
पाण्यातील कॅल्शियम आणि खनिज पदार्थ गिझरच्या टँकमध्ये साचतात. त्यामुळे हीटिंग कॉईलवर थर बसतो आणि पाणी गरम करण्यासाठी जास्त वीज लागते. दर 3 ते 6 महिन्यांनी गिझर साफ करा आणि नियमित सर्व्हिसिंग करून घ्या. यामुळे त्याचं आयुष्य आणि कार्यक्षमता दोन्ही वाढतात.
सोलर किंवा इंस्टंट गिझरचा विचार करा
मोठ्या कुटुंबांसाठी सोलर वॉटर गिझर हा उत्तम पर्याय ठरतो. यामध्ये विजेचा वापर खूपच कमी होतो, त्यामुळे बिलही वाढत नाही.
तर, लहान कुटुंबांसाठी इंस्टंट गिझर फायदेशीर आहे कारण तो फक्त गरजेपुरतंच पाणी गरम करतो.
हिवाळ्यात गिझर हा आवश्यक उपकरणांपैकी एक असतो, पण थोडी काळजी आणि स्मार्ट वापर केल्यास तुम्ही वीज बचत आणि बिल नियंत्रण दोन्ही करू शकता. योग्य साइज, स्टार रेटिंग, वेळेचं भान आणि इन्सुलेशन या छोट्या गोष्टी लक्षात ठेवल्या, तर तुमचा हिवाळा होईल उबदार आणि बचतदार.