याच कारणामुळे येतो प्रॉब्लम
याचे सर्वात मोठे कारण म्हणजे एसीची वेळेवर सर्व्हिसिंग न करणे. तुम्ही वेळेवर सर्व्हिसिंग केली तर एसीमधील फिल्टर आणि एसीची ड्रेनेज लाईन दोन्ही स्वच्छ राहतात, ज्यामुळे एसीमधून येणारे पाणी ड्रेनेज पाईपमधून सहज बाहेर पडते. परंतु जर एसी फिल्टर वेळोवेळी स्वच्छ केला नाही तर त्यातील घाण स्प्लिट एसीच्या इनडोअर युनिटमध्ये पडते आणि ड्रेनेज पाइपलाइन ब्लॉक करते. यामुळे एसीमधून येणारे पाणी घरात पडू लागते.
advertisement
फ्रिजच्या कंप्रेसरचा होऊ शकतो बॉम्बसारखा स्फोट! अजिबात करु नका या 5 चुका
याशिवाय, AC बसवताना जर इनडोअर युनिटची लेव्हल योग्य नसेल, तर त्यातून येणारे पाणी ड्रेनेज पाईपपर्यंत पोहोचत नाही आणि घरात टपकू लागते. उन्हाळ्यात जेव्हा बाहेर ह्यूमिडिटी नसते तेव्हा ही समस्या कमी दिसून येते, परंतु पावसाळ्यात ही समस्या सामान्य होते.
कधीकधी ड्रेनेज पाईप वाकल्यामुळे देखील ही समस्या उद्भवू शकते. याशिवाय, एसीमध्ये पुरेसे रेफ्रिजरंट नसले तरी पाणी मोठ्या प्रमाणात बाहेर पडू लागते.
YouTubeच्या नव्या व्हर्जनमध्ये काय झालाय बदल? एकदा अवश्य करा चेक
या 3 प्रकारे ते दुरुस्त करा
स्प्लिट एसीचा फिल्टर दर तीन महिन्यांनी म्हणजे 90 दिवसांनी स्वच्छ करावा. तुमचे बाह्य युनिट अशा ठिकाणी बसवले असेल जिथे खूप धूळ असेल, तर फिल्टर दर महिन्याला स्वच्छ केले पाहिजे. साफसफाईमुळे, फिल्टरमध्ये धूळ आणि घाण राहत नाही आणि ड्रेनेज पाईपलाईनमध्ये घाण साचण्याची समस्या येत नाही.
- जर AC फिल्टर खराब झाला असेल तर तो बदला, अन्यथा एसीमध्ये इतर अनेक समस्या निर्माण होऊ शकतात.
- एसी ड्रेन लाईन प्रेशरने पाणी ओतून स्वच्छ करा, त्यामुळे त्यातील घाण बाहेर येईल आणि पाणी बाहेर पडण्याचा मार्ग मोकळा होईल.
- एसीच्या इनडोअर युनिटची लेव्हल योग्य नसेल तर ते लेव्हलमध्ये करण्यासाठी तंत्रज्ञांना बोलवा. याशिवाय, दर दोन-तीन महिन्यांनी एसीच्या ड्रेन लाईनमध्ये व्हिनेगर टाका, जेणेकरून त्यात शेवाळ इत्यादी साचणार नाहीत आणि ड्रेन लाईन स्वच्छ राहील.