WhatsApp चा नवीन Incognito Mode
फीचर ट्रॅकर WABetaInfo ने या फीचरबद्दल माहिती दिली आहे. फीचर ट्रॅकरनुसार, WhatsApp अँड्रॉइड बीटा व्हर्जन 2.25.28.1 मध्ये इनकॉग्निटो मोड फीचरवर काम करत आहे. हे फीचर मेटा एआय चॅटबॉटसोबतचे संभाषण पूर्णपणे खाजगी करेल. विचारलेले प्रश्न किंवा कन्व्हर्सेशन हिस्ट्री सेव्ह केली जाणार नाही, ज्यामुळे यूझर कोणत्याही विषयावर भीतीशिवाय प्रश्न विचारू शकतील.
advertisement
हे आहेत जगातील टॉप 5 कॅमेरा स्मार्टफोन! पण नंबर 1 वर iPhone नाही, मग कोणता?
हे फीचर कसे काम करेल
इनकॉग्निटो मोड चालू असताना, Meta AI चॅट्समधील कोणताही डेटा यूझर्सच्या अनुभवाचे प्रशिक्षण किंवा पर्सनलाइज करण्यासाठी वापरला जाणार नाही. WABetaInfo च्या रिपोर्टनुसार, यूझर चॅट विंडोमधून बाहेर पडल्यावर विचारलेले सर्व प्रश्न ऑटोमॅटिक हटवले जातील. यामुळे संवेदनशील विषयांवर प्रश्न विचारण्यासाठी हे फीचर एक सुरक्षित पर्याय बनते.
यूझर्स कंट्रोल आणि अलर्ट
इनकॉग्निटो मोड चालू असताना, व्हॉट्सअ‍ॅप एक प्रॉम्प्ट चेतावणी दाखवेल की No personalisation, no history, and no memory उपलब्ध राहणार नाही. याचा अर्थ असा की प्रत्येक चॅट पूर्णपणे नवीन असेल आणि मागील बातचित जतन केली जाणार नाहीत. हा ऑप्शन चॅट विंडोमध्ये दिसेल जिथे नवीन संभाषण सुरू करण्यासाठी किंवा जुन्या चॅट्स पाहण्यासाठी ऑप्शन आहेत.
हरवलेला मोबाईल मिळेल परत! एका अ‍ॅपने क्षणार्धात होईल काम
इतर WhatsApp AI फीचर्स
अलीकडेच, WhatsApp Meta AI साठी Voice Chat Modeची टेस्ट घेत असल्याचे वृत्त समोर आले आहे. हे फीचर बीटा व्हर्जन 2.25.21.21 मध्ये काही परीक्षकांसाठी आणले गेले. हे यूझर्सना अधिक पर्सनलाइज्ड अनुभवासाठी मेटा एआयसह टू-वे व्हॉइस चॅटमध्ये सहभागी होऊ देते.