TRENDING:
नेमकी घटना काय?
मिळालेल्या माहितीनुसार, मृत शुभम मिश्रा हा नालासोपारा पूर्वेच्या गालानगरमधील रहिवासी होता. त्याच्यावर अनेक गंभीर गुन्हे दाखल असून तो काही काळापूर्वी तडीपारही होता. शुक्रवारी रात्री तो आपल्या अंकित पांडे, रोशन सिंग आणि इतर मित्रांसोबत 'निधिशा बार'मध्ये मद्यपान करत होता. याच दरम्यान जुन्या तक्रारीवरून शुभम आणि रोशन सिंग यांच्यात जोरदार वादावादी झाली. उपस्थित मित्रांनी हा वाद त्यावेळी सोडवला, मात्र रोशनच्या मनात सूडाची भावना कायम होती.
advertisement
सिगारेटच्या बहाण्याने मृत्यूचा सापळा
रात्री साडेअकराच्या सुमारास टिंकल मिश्रा याने शुभमला भेटायला बोलावले. शुभम आणि अंकित रिक्षाने जात असताना नालासोपारा पश्चिमेकडील पंचमुखी हनुमान मंदिराजवळ सिगारेट पिण्याच्या बहाण्याने रिक्षा थांबवण्यात आली. त्याच वेळी दबा धरून बसलेल्या रोशन सिंग, जगन महेंडी, सुनील मालुसरे आणि सुरज कबाडिया यांनी दुचाकीवरून येऊन शुभमवर हल्ला चढवला.
अत्यंत क्रूरपणे मित्रांनीच संपवलं...
सुनील मालुसरे याने शुभमवर चाकूने सपासप वार केले, तर इतर साथीदारांनी त्याला जमिनीवर पाडून दगडाने त्याचे डोके आणि शरीर ठेचून काढले. हा हल्ला इतका भीषण होता की शुभमचा जागीच मृत्यू झाला. शुभमचे नुकतेच लग्न झाले असून त्याला सात महिन्यांचा लहान मुलगा आहे, त्याच्या मृत्यूने कुटुंबावर डोंगर कोसळला आहे. याप्रकरणी नालासोपारा पोलिसांनी गुन्हा दाखल केला असून सर्व आरोपी सध्या फरार आहेत. पोलीस त्यांचा कसून शोध घेत आहेत.