बीडमधील ही धक्कादायक बातमी आहे. नगरपरिषद निवडणुकीत जिंकल्यावरुन संत नामदेव नगरमध्ये अजितपवार पक्षाच्या आरती बनसोडे नगरसेवकपदी विजयी झाल्या.निकालानंतर आरती बनसोडे यांचे दिर अजिंक्य बनसोडे यांच्या घरासमोर त्यांचे शेजारी कौशल्य म्हस्के या व्यक्तीने "तुझी भावजय निवडून कशी आली" असे म्हणत दुचाकीची तोडफोड केली.कोयता फिरवत दहशत माजवली. त्यानंतर आरोपीवर शिवाजीनगर पोलिसांनी गुन्हा दाखल करत त्याला अटक केली.

कोल्हापूरातील ही धक्कादायक बातमी आहे. कोल्हापूरातील लक्ष्मीपुरीताल भूपाल टॉवर बेसमेंटला आग लागली आहे. यात किती जीवितहानी झाली ती अद्याप समजली नाही.ही आग का लागली त्याचे कारणही समजलं नाही. अग्निशमन दलाने वेळेत येऊन ही आग नियंत्रणात आणली.

शिवसेना खासदार संजय राऊत भाजपवर टीका करत म्हणाले, "भाजप जगातला मोठा पक्ष आहे असा ते दावा करतात. त्यांच्याकडे देशात सर्वाधिक संपत्ती आणि दहा हजार कोटीचा निधी आहे. तरीही त्यांना इतर पक्षांचे खासदार,आमदार,नगरसेवक फोडावे लागतात.हे श्रीमंत भिकाऱ्यांचं लक्षण आहे."

महानगर पालिकेचं बिगुल वाजलं असून, आता प्रत्येक पक्षांची निवडणुकीसाठीची जोरदार तयारी सुरु आहे. त्यातच आता उपमुख्यमंत्री एकनाथ शिंदे यांच्या पक्षाच्या स्टार प्रचारकांची यादी जाहिर झाली आहे. सोबतच राष्ट्रीय प्रवक्त्या शायना एन.सी या स्टार प्रचारकांच्या यादीत समाविष्ट आहेत. त्यांनी विरोधी पक्षावर प्रहार करत आपलं मत मांडलं आहे.

सह्याद्री व्याघ्र प्रकल्पाच्या चांदोली अभायरण्यात निसर्गमुक्त करण्यात आलेली पाटण तालुक्यातील ढेबेवाडी खोऱ्यातील मांइंगडेवाडी गावात 'तारा' वाघीण संचार करताना दिसली. ती रस्त्यावर एसटीच्या समोर आली. त्यामुळे वाहनं थांबवण्यात आली. ही वाघीण रस्ता ओलांडून जंगलात गेली. पण सर्व नागरिकांमध्ये भितीचे वातावरण निर्माण झाले. पण हा मुक्त संचार पर्यावरणवादींसाठी दिलासादायक आहे.