छत्रपती संभाजीनगर : दिवाळी आता अवघ्या काही दिवसांवर आहे. या सणानिमित्त घरोघरी दिव्यांची आरास असतेच, सोबत खमंग फराळाचा दरवळही असतो. लाडू, करंजी, चकली, चिवडा सगळेच बनवतात, त्यासोबत एखादा वेगळा गोडाचा पदार्थ फराळाच्या ताटात ठेवायला काही हरकत नाही. तुम्ही घरच्या घरी झटपट चॉकलेट बनवू शकता. विशेष म्हणजे केवळ दिवाळीतच नाही, तर वाढदिवशी किंवा इतर कोणत्याही सणावाराला झटपट तयार होतील असे हे चॉकलेट्स आहेत. छत्रपती संभाजीनगर शहरातील रहिवासी उर्मिला देसाई यांनी ही सोपी रेसिपी सांगितली आहे.
