अधिकारी फक्त फाईल्स नाही, माणसंही वाचतात! पुण्यात अधिकाऱ्यांचं अनोखं साहित्य संमेलन

पुणे : महाराष्ट्राची सांस्कृतिक राजधानी म्हणून ओळख असणाऱ्या पुण्यात विविध साहित्य संमेलने आयोजित केली जातात. मात्र, यंदा पुणेकरांना एक आगळावेगळा अनुभव मिळाला तो म्हणजे शासकीय अधिकाऱ्यांच्या साहित्य संमेलनाचा. संवाद पुणे यांच्या पुढाकारातून आयोजित करण्यात आलेल्या या संमेलनाचे दुसरे वर्ष असून, शहरातील बालगंधर्व रंगमंदिर येथे हे बहुचर्चित संमेलन होत आहे. प्रशासकीय जबाबदाऱ्यांसोबत साहित्याची नाळ जपणाऱ्या अधिकाऱ्यांच्या लेखनकृतींची मेजवानी यावेळी पुणेकरांना अनुभवता येत आहे.