ज्याची भीती होती तेच घडणार, जगभरात खळबळ घोंगावतंय मोठं संकट, उरले फक्त 48 तास

पँटागॉनच्या हालचालींनी धाकधूक वाढली

अमेरिकेच्या संरक्षण विभागाकडून मिळणाऱ्या माहितीनुसार, येत्या तीन दिवसांत मध्य पूर्वेतील काही महत्त्वाच्या कर्मचाऱ्यांना तातडीने बाहेर काढण्याचे आदेश देण्यात आले आहेत. इराणकडून होणाऱ्या संभाव्य पलटवाराचा विचार करून हा निर्णय घेण्यात आला आहे. ही 'शिफ्टिंग' प्रक्रिया म्हणजे मोठ्या युद्धाची नांदी तर नाही ना? अशी शंका आता उपस्थित केली जात आहे.

advertisement

ट्रम्प यांचा अंतिम निर्णय शनिवारी?

अध्यक्ष डोनाल्ड ट्रम्प यांनी अद्याप हल्ल्याच्या पत्रावर स्वाक्षरी केली नसली तरी, लष्करी अधिकाऱ्यांनी त्यांना रेडी टू गो रिपोर्ट सादर केला आहे. सूत्रांच्या माहितीनुसार, या विकेंडला म्हणजेच शनिवारपर्यंत ट्रम्प मोठा निर्णय घेऊ शकतात. अणुऊर्जेच्या मुद्द्यावर इराणने माघार घेतली नाही, तर लष्करी बळाचा वापर करण्यावर ट्रम्प ठाम आहेत. यांच्यातील संघर्ष टोकाला गेला तर मात्र संपूर्ण जगभरात खळबळ उडाण आहे. सोनं चांदी महाग होईल, शेअर्स आपटतील आणि या व्यतिरिक्त नुकसान होईल ते वगळंच.

इराणची हाय अलर्टवर

दुसरीकडे, इराणनेही कोणत्याही हल्ल्याला चोख प्रत्युत्तर देण्यासाठी आपली कमान प्रणाली 'मोझॅक डिफेन्स' मोडवर आणली आहे. होर्मुजच्या सामुद्रधुनीजवळ इराणच्या नौदल तुकड्या तैनात झाल्या असून, अण्वस्त्र तळांची सुरक्षा वाढवण्यात आली आहे. विशेष म्हणजे, या संपूर्ण तणावात रशियन युद्धनौकांचा सहभाग वाढल्याने या संकटाचे रूपांतर जागतिक महायुद्धात होते की काय, अशी भीती व्यक्त होत आहे.

चर्चेची शेवटची संधीही धूसर?

जिनेव्हामध्ये अमेरिकन सल्लागार आणि इराणच्या परराष्ट्र मंत्र्यांमध्ये तीन तास खलबतं झाली. काही प्रगती झाल्याचा दावा केला जात असला तरी, दोन्ही बाजू आपापल्या अटींवर ठाम आहेत. "काही सीमा रेषा आहेत ज्या ओलांडल्या गेल्या तर युद्ध अटळ आहे," असे स्पष्ट संकेत अमेरिकेचे उपराष्ट्राध्यक्ष जेडी वेंस यांनी दिले आहेत. इस्रायलच्या लष्करी गुप्तचर विभागाचे माजी प्रमुख अमोस याडलिन यांनी म्हटले आहे की, "आम्ही युद्धाच्या जवळ आहोत." महासत्ता एका दिवसात युद्धात उतरत नसली तरी, डोनाल्ड ट्रम्प यांचा निर्धार पाहता परिस्थिती कधीही स्फोटक होऊ शकते. अनेक स्तरांतून या युद्धाला विरोध होत असला तरी, पँटागॉनच्या हालचालींनी जगाचे लक्ष वेधून घेतले आहे.