TRENDING:
५० वर्षांचा दुष्काळ संपणार!
डोनाल्ड ट्रम्प यांनी सोशल मीडिया पोस्टद्वारे ही माहिती दिली की, टेक्सासमधील ब्राउन्सविले बंदरावर ही अद्ययावत रिफायनरी बांधली जाणार. ट्रम्प यांच्या मते, गेल्या ५० वर्षांत अमेरिकेत एकही नवीन रिफायनरी बांधली गेली नव्हती. हा प्रकल्प केवळ अमेरिकेचे ऊर्जा उत्पादन वाढवणार नाही, तर हजारो लोकांसाठी रोजगाराच्या संधीही निर्माण करणार आहे.
advertisement
'रिलायन्स'ची गुंतवणूक आणि ट्रम्प यांचा दावा
या घोषणेतील सर्वात महत्त्वाचा भाग म्हणजे रिलायन्स इंडस्ट्रीजचा सहभाग. ट्रम्प यांनी आपल्या पोस्टमध्ये स्पष्टपणे म्हटले आहे की, रिलायन्स या प्रकल्पात गुंतवणूक करेल. जरी रिलायन्सने अद्याप यावर अधिकृत शिक्कामोर्तब केलेले नसले, तरी ट्रम्प यांच्या दाव्यामुळे भारतीय कॉर्पोरेट जगतात चर्चांना उधाण आले आहे. हा प्रकल्प ट्रम्प यांच्या "अमेरिका फर्स्ट" अजेंडाचा एक भाग मानला जात आहे.
जगातील सर्वात 'स्वच्छ' रिफायनरी
ही रिफायनरी जगातील सर्वात अत्याधुनिक आणि पर्यावरणाला पूरक अशी क्लीन रिफायनरी असेल, असा विश्वास ट्रम्प यांनी व्यक्त केला आहे. सध्या पश्चिम आशियात सुरू असलेल्या युद्धजन्य परिस्थितीमुळे जागतिक तेल पुरवठ्यावर मोठा दबाव आहे. अशा काळात ही नवीन रिफायनरी अमेरिकेसह जगाची इंधन निकड भागवण्यासाठी महत्त्वाची भूमिका बजावू शकते.
इंधनाचे दर कमी होणार?
व्हाईट हाऊसच्या प्रेस सेक्रेटरी कॅरोलिन लेविट यांनी स्पष्ट केले आहे की, सध्याची इ दरवाढ ही तात्पुरती आहे. अमेरिकेच्या लष्करी मोहिमांची उद्दिष्टे साध्य झाली आणि घरगुती ऊर्जा उत्पादन वाढले, तर भविष्यात पेट्रोल-डीझेलच्या किमतीत मोठी घट होऊ शकते.