एएनआय या वृत्तसंस्थेने दिलेल्या माहितीनुसार, जयशंकर म्हणाले, पाकिस्तानसोबतचे आपले संबंध आणि व्यवहार पूर्णपणे द्विपक्षीय असतील. यावर अनेक वर्षांपासून राष्ट्रीय स्तरावर एकमत आहे आणि त्यात कोणताही बदल झालेला नाही. पंतप्रधानांनी हे स्पष्ट केले आहे की पाकिस्तानसोबत चर्चा केवळ दहशतवादावर होईल. पाकिस्तानकडे दहशतवाद्यांची यादी आहे. ती त्यांना सोपवावी लागेल आणि दहशतवाद्यांचे तळ त्यांनी बंद करावे लागतील. त्यांना काय करायचे आहे हे माहीत आहे. दहशतवादावर काय करायचे आहे याबद्दल आम्ही त्यांच्याशी चर्चा करण्यास तयार आहोत.
advertisement
जयशंकर यांनी पुढे सांगितले की, सीमापार दहशतवाद थांबवल्याशिवाय सिंधू पाणी वाटप करार (Indus Waters Treaty) स्थगितच राहील. ऑपरेशन सिंदूर आणि पाकिस्तानसोबत शस्त्रसंधीच्या समाप्तीबद्दल बोलताना जयशंकर म्हणाले की, शस्त्रसंधीसाठी कोणी आवाहन केले होते हे स्पष्ट आहे.
ते म्हणाले, आम्ही पाकिस्तानला संदेश पाठवला होता की आम्ही दहशतवादी तळांवर हल्ला करत आहोत. लष्करी ठिकाणांवर नाही आणि लष्कराला हस्तक्षेप न करण्याचा पर्याय आहे. त्यांनी तो चांगला सल्ला न स्वीकारण्याचा निर्णय घेतला. 10 मे च्या सकाळी त्यांना जोरदार फटका बसला. उपग्रहांच्या छायाचित्रांवरून दिसून येते की आम्ही किती नुकसान केले आणि त्यांनी किती कमी नुकसान केले. शस्त्रसंधी कोण थांबवू इच्छित होते हे स्पष्ट आहे.
जयशंकर यांनी भारतीय सशस्त्र दलांनी ऑपरेशन सिंदूर अंतर्गत पाकिस्तान आणि पाकव्याप्त काश्मीरमधील (PoK) दहशतवादी छावण्यांवर केलेल्या अचूक हल्ल्यांचे कौतुक केले.
अमेरिकेचे अध्यक्ष डोनाल्ड ट्रम्प यांच्या दाव्यानंतर त्यांच्या या प्रतिक्रिया आल्या आहेत, ज्यात त्यांनी म्हटले होते की अमेरिकेने दोन्ही देशांमध्ये शांतता प्रस्थापित केली आहे.
यापूर्वी सोमवारी ऑपरेशन सिंदूरनंतर देशाला संबोधित करताना पंतप्रधान मोदी म्हणाले होते की पाकिस्तानसोबत चर्चा केवळ दहशतवाद आणि पाकव्याप्त काश्मीरवर (PoK) होईल. पाकिस्तानसोबत चर्चा झाली तर ती दहशतवादावर होईल. पाकिस्तानसोबत चर्चा झाली तर ती PoK वर होईल, असे पंतप्रधान मोदी म्हणाले होते. ज्यामुळे इस्लामाबादला इशारा मिळाला होता. पाकिस्तानची अणुबॉम्बची धमकी आता सहन केली जाणार नाही, असेही ते म्हणाले होते.
ऑपरेशन सिंदूर
पहलगाम दहशतवादी हल्ल्यात 26 नागरिकांच्या मृत्यूनंतर भारताने ऑपरेशन सिंदूर अंतर्गत पाकिस्तान आणि पाकव्याप्त काश्मीरमधील नऊ दहशतवादी लक्ष्यांवर “अचूक हल्ले” केले. या हल्ल्यात जैश-ए-मोहम्मदचा म्होरक्या मसूद अझरच्या कुटुंबातील किमान 10 सदस्य आणि चार निकटवर्तीय मारले गेले.
रफिक (शोरकोट, झांग), मुरिद (चकवाल), नूर खान (चकलाला, रावळपिंडी), रहीम यार खान, सक्खर आणि चूनियान (कसूर) येथील पाकिस्तानी तळांना लक्ष्य करण्यात आले. या हल्ल्यांमध्ये स्कार्दू, भोलारी, जैकोबाबाद आणि सरगोधा येथील हवाई तळांचे मोठे नुकसान झाले.
अवघ्या 24 मिनिटांच्या समन्वित कारवाईत भारताने नऊ ठिकाणी लष्कर-ए-तैयबा (LeT) आणि जैश-ए-मोहम्मद (JeM) शी संबंधित 21 दहशतवादी छावण्यांना लक्ष्य केले. यापैकी चार ठिकाणे पाकिस्तानात आणि पाच पाकव्याप्त काश्मीरमध्ये होती. हे हल्ले केवळ पहलगाम हल्ल्याचा बदला घेण्यासाठी नव्हते, तर इतर हल्ल्यांची योजना आखली जात असलेल्या दहशतवादी ठिकाणांनाही लक्ष्य करण्यात आले.
भारत-पाकिस्तान तणाव
जम्मू आणि काश्मीरमधील सर्वात मोठ्या हल्ल्यांपैकी एका हल्ल्यात 22v एप्रिल रोजी पहलगाममध्ये लष्करशी संबंधित दहशतवाद्यांनी पर्यटकांच्या गटावर गोळीबार केला. ज्यात परदेशी पर्यटकांसह किमान 26 लोक मारले गेले आणि अनेक जण जखमी झाले. द रेझिस्टन्स फ्रंट (TRF) या लष्करच्या एका गटाने या हल्ल्याची जबाबदारी स्वीकारली होती, मात्र जागतिक स्तरावर तीव्र प्रतिक्रिया आल्यानंतर त्यांनी माघार घेतली.
या हल्ल्यानंतर भारत आणि पाकिस्तान यांच्यातील राजनैतिक संबंध कमी करण्यात आले. नवी दिल्लीने सिंधू पाणी वाटप करार निलंबित करणे, इस्लामाबादमधील दूतावासातील कर्मचाऱ्यांची संख्या कमी करणे, पाकिस्तानी विमान कंपन्यांसाठी आपली हवाई हद्द बंद करणे आणि आपल्या लष्करी अधिकाऱ्यांची हकालपट्टी करणे यासारख्या अनेक दंडात्मक उपायांची घोषणा केली. याला प्रत्युत्तर म्हणून पाकिस्ताननेही त्याच प्रकारचे उपाय केले आणि शिमला करार निलंबित केला.