Iran-Israel War: इराणचे संरक्षणमंत्र्यासह बड्या कमांडरला अमेरिका-इस्रायलने संपवले, 'डेथ वॉरंट'ने जग हादरलं

या हल्ल्यांबाबत तेहरानकडून अद्याप अधिकृत प्रतिक्रिया देण्यात आलेली नाही. दोन्ही वरिष्ठ अधिकाऱ्यांच्या मृत्यूची औपचारिक पुष्टी इराण सरकारकडून झालेली नसली तरी या घटनेमुळे परिस्थिती अधिकच चिघळण्याची शक्यता व्यक्त केली जात आहे.

दरम्यान इस्रायल आणि अमेरिकेने इराणमधील विविध लक्ष्यांवर मोठ्या प्रमाणावर संयुक्त हल्ले सुरू केल्याचे वृत्त आहे. राजधानी Tehranसह अनेक शहरांत स्फोटांचे आवाज ऐकू आल्याची माहिती स्थानिक माध्यमांनी दिली आहे. या कारवाईत उच्चपदस्थ लष्करी आणि राजकीय नेत्यांना लक्ष्य करण्यात आल्याचे सांगितले जात आहे.

advertisement

मध्य पूर्वेत आधीच तणावपूर्ण असलेल्या परिस्थितीत या घटनेमुळे युद्धजन्य स्थिती आणखी गंभीर बनली आहे. आंतरराष्ट्रीय समुदायाकडूनही या घडामोडींवर बारकाईने लक्ष ठेवले जात असून पुढील काही तास निर्णायक ठरण्याची शक्यता आहे.