TRENDING:
पश्चिम आशियातील वाढत्या तणावाच्या पार्श्वभूमीवर एक अत्यंत महत्त्वाची बातमी समोर येत आहे. जर अमेरिकेने इराणविरुद्ध जमिनीवर लष्करी कारवाई (Ground Operation) करण्याचा निर्णय घेतला आहे. तर इस्त्रायली सैन्य त्यात थेट सहभाग घेणार नसल्याचे संकेत मिळत आहेत. इस्त्रायलमधील प्रतिष्ठित 'चॅनल १२' च्या वृत्तानुसार, नेतन्याहू सरकार आपल्या सैन्याला इराणच्या भूमीवर उतरवण्यास इच्छुक नाही.
advertisement
अमेरिकेसाठी 'एकला चलो रे'ची स्थिती
वृत्तानुसार, पेंटागॉनने इराणच्या विरोधात संभाव्य जमिनीवरील हल्ल्याच्या पर्यायांवर काम सुरू केले असून पश्चिम आशियात युद्धनौका, लढाऊ विमाने आणि सैनिकांची संख्या वाढवली आहे. मात्र, या मोहिमेत अमेरिकेला मित्रराष्ट्र असलेल्या इस्त्रायलची साथ मिळणार नसल्याचे स्पष्ट होत आहे. इस्त्रायल केवळ तांत्रिक मदत किंवा गुप्तचर माहिती शेअर करण्यापुरता मर्यादित राहू शकतो, परंतु त्यांचे 'बूट्स ऑन ग्राउंड' (प्रत्यक्ष सैन्य) असणार नाहीत.
इस्त्रायलची सावध भूमिका का?
रणनीतिक तज्ज्ञांच्या मते, इस्त्रायल आधीच अनेक आघाड्यांवर आव्हानांचा सामना करत आहे. इराणसारख्या मोठ्या आणि लष्करीदृष्ट्या सक्षम देशासोबत थेट जमिनीवर युद्ध पुकारल्यास प्रादेशिक तणाव हाताबाहेर जाऊ शकतो. तसेच, अशा युद्धात होणारी जीवितहानी आणि आर्थिक फटका टाळण्यासाठी इस्त्रायलने 'वेट अँड वॉच'ची भूमिका घेतल्याचे समजते.
अमेरिकेपुढील पेच
डोनाल्ड ट्रम्प प्रशासनाने अद्याप कोणत्याही मोठ्या जमिनीवरील युद्धाला अधिकृत मंजुरी दिलेली नाही. मात्र, त्यांनी सैन्य पाठवण्यास सुरुवात केली आहे. अमेरिकेने एकट्याने इराणवर हल्ला केल्यास ते लष्करी आणि राजकीयदृष्ट्या मोठ्या जोखमीचे ठरू शकतात. इराणच्या दुर्गम भूभागात आणि मजबूत संरक्षण दलांसमोर कोणत्याही मोठ्या सहकाऱ्याशिवाय लढणे अमेरिकेसाठी आव्हानात्मक ठरू शकते. इराणविरोधात जमिनीवर युद्ध लढणं सोपं नसल्याचे संक्षण तज्ज्ञांनी म्हटले.