TRENDING:
इस्रायली माध्यमांच्या माहितीनुसार यूएईच्या वायुसेनेने इराणच्या डिसॅलिनेशन (समुद्राच्या पाण्याचे गोड्या पाण्यात रूपांतर करणाऱ्या) प्लांटवर हवाई हल्ला केला. हा प्लांट इराणच्या पाणीपुरवठा व्यवस्थेतील महत्त्वाचा भाग मानला जातो. त्यामुळे पाण्याची पुरवठा साखळी खंडित करणे ही इराणची मोठी ‘कमजोरी’ लक्ष्य करण्याची रणनीती असल्याचे सांगितले जात आहे.
माहितीनुसार अमेरिकन आणि इस्रायली तेलसंबंधित सुविधांवर झालेल्या हल्ल्यांनंतर हा प्रत्युत्तरात्मक हल्ला करण्यात आल्याचा दावा केला जात आहे. इस्रायली पोर्टल Ynetच्या वृत्तानुसार युद्ध सुरू झाल्यानंतर प्रथमच यूएईने थेट आक्रमण करत इराणच्या पायाभूत सुविधांवर लक्ष्य केले आहे. या कारवाईमुळे मध्यपूर्वेतील युद्ध अधिक व्यापक होण्याची शक्यता व्यक्त केली जात आहे.
advertisement
दरम्यान या हल्ल्याबाबत इराण किंवा यूएईकडून अधिकृत प्रतिक्रिया अद्याप समोर आलेली नाही. मात्र या घडामोडींमुळे आधीच तणावपूर्ण असलेले मध्यपूर्वेतील वातावरण आणखी धोकादायक बनण्याची शक्यता तज्ज्ञांनी व्यक्त केली आहे. युद्धाचा विस्तार होत असल्याने जागतिक स्तरावरही चिंता वाढत आहे.