TRENDING:
प्रवाशांवरुन कॅब ड्रायव्हरमध्ये भांडण होतानाच्या घटना खूप क्वचित पहायला मिळतात. सध्या असाच एक व्हिडीओ जोरदार व्हायरल होतोय. दोन्ही ड्रायव्हरने अक्षरशः एकमेकांना चांगलंच धुतलं. अखेर पोलिसांना त्यांची भांडणे सोडवण्यासाठी हस्तक्षेप घ्यावा लागला.
व्हिडिओमध्ये तुम्ही बघू शकता की, दोन लोक एकमेकांची कॉलर पकडून भांडत आहेत. भररस्त्यात एकमेकांनी खाली पाडून मारत आहेत. त्यामुळे आजबाजूला गर्दी झाली आणि लोक थांबून त्यांची भांडणं बघत आहेत. काही लोक येऊन त्यांना आवरण्याचा प्रयत्न करतात मात्र ते काही ऐकायलाच तयार होत नाहीत आणि भांडण करत राहतात. शेवटी पोलीस आल्यावर दोघंही शांत होतात आणि प्रकरण शांत होत.
advertisement
भांडण करणारे दोघेही कॅब चालक होते आणि प्रवाशांसाठी एकमेकांशी भांडत होते, असा दावा केला जात आहे. हा व्हिडिओ दिल्लीला लागून असलेल्या नोएडा येथील असल्याचे सांगण्यात येत आहे. @gharkekalesh नावाच्या सोशल मीडिया अकाऊंटवर हा व्हिडीओ शेअर करण्यात आला आहे. 37 सेकंदांचा हा व्हिडीओ सध्या इंटरनेटवर चांगलाच व्हायरल होतोय.
दरम्यान, असे भांडणांचे अनेक व्हिडीओ सोशल मीडियावर फिरत असतात. कोण कधी कशावरुन भांडेल काही सांगता येत नाही. असे भरपूर व्हिडीओ दिवसभरात समोर येत असतात.