Viral News : आकाशातून पडली भयंकर गोष्ट, गावकरी भयभीत; पण कोरियाशी संबंध का जोडला जातोय?

बुलढाणा जिल्ह्यातील चिखली तालुक्यात अंचरवाडी गावात ही घटना घडली आहे.खरं तर बुलढाण्यात सोमवारी पावसाचा अंदाज होता. मात्र पावसाऐवजी थेट आकाशातून विचित्रच वस्तु पडल्याची घटना घडली आहे.

advertisement

खरं तर अंचरवाडीत सोमवारी आकाशात पांढऱ्या फुग्यासारखी वस्तु आकाशात दिसून आली होती. ही वस्तु जमिनीवर पडताच ग्रामस्थांनी हाती एक यंत्र लागलं आहे.

पांढऱ्या फुग्याला एक यंत्र लावण्यात आले होते. हे यंत्र देखील पांढऱ्याच रंगाचे आहे, आणि त्यावर ए कोरिया भाषेतला मजकूर आहे. त्यामुळे कोरिया देशात हवामानाचा अंदाज घेण्यासाठी ही वस्तू वापरली जात असल्याचा अंदाज वर्तवला जात आहे.

कोरिया पासून ही वस्तू इतक्या लांब भारतात येऊन बुलढाणा जिल्ह्यातील चिखली तालुक्यात अंचरवाडी गावात येऊन पडल्याने गावकरी चांगलेच भयभीत झाले आहेत. त्यामुळे आकाशातून पडलेली ही वस्तू नेमकी काय याबाबत गावकऱ्यांमध्ये कमालीची उत्सुकता पाहायला मिळत आहे..

तसेच हे हवामान विषयक उपकरण असून आमच्या संगणक प्रणाली सोबत जोडलेले आहे. त्यामुळे नागरीकांना खाबरून जाण्याचे कारण नसल्याचे प्रादेशिक हवामान खात्याच्या नागपूर केंद्राने स्पष्ट केले आहे.