TRENDING:
कुत्रा आणि मांजर यांचं भांडण जगभर प्रसिद्ध आहे. मात्र यावेळी कुत्र्याला वाचवण्यासाठी मांजर पुढे सरसावली असं पहायला मिळालं. एवढंच नाहीतर तिनं तीन कोयोट्ससोबत दोन हातही केले. कोयोट्स हा एक कोल्ह्याचा प्रकार आहे.
समोर आलेल्या व्हिडीओमध्ये तुम्ही पाहू शकता, एडमंड, नॉर्थ डकोटा, अमेरिकेत एक लहान कुत्रा बाहेर फिरत होता. ज्याचं नाव ओकले होतं. लहानव कुत्रा फिरत असताना तेथे तीन कोयोट्स आले त्यांनी त्याच्यावर हल्ला केला. रस्त्याच्या मागील बाजूने एक मांजर आली आणि कुत्र्याला वाचवण्यासाठी धावली. कोयोटांनी मांजर पाहिल्याबरोबर तेथून पळ काढला.
advertisement
Freedom Dog Spa या फेसबुत अकाऊंटवर हा व्हिडिओ शेअर करण्यात आला आहे जो सध्या सोशल मीडियावर चांगलाच व्हायरल होतोय. 17 सेकंदांचा हा व्हिडीओ इंटरनेटवर सर्वांचं लक्ष वेधण्याचं काम करत आहे. कारण नेहमीच कुत्रा आणि मांजरीला भांडण करताना पाहिलं जातं यावेळी त्यांनी एकमेकांचा जीव वाचवला.
दरम्यान, मांजरीच्या धाडसाचं लोक कमेंटमध्ये कौतुक करत आहेत. हा व्हिडीओ काहीच वेळात खूप व्हायरल झाला. असे प्राण्यांचे थक्क करणारे अनेक व्हिडीओ समोर येत असतात.