Marriage : सासरच्या उंबरठ्यावर पोहोचताच 20 मिनिटात नववधूनं मोडलं लग्न; सुहागरातपूर्वीच माहेरी परतली मुलगी, असं काय घडलं?

देवरियातील भलुआनी गावात राहणाऱ्या हर्ष चंद्र मद्धेशिया यांच्या मुलाचे लग्न सलेमपूर येथील एका मुलीशी सहा महिन्यांपूर्वी ठरले होते. 25 नोव्हेंबर रोजी देवरिया शहरातील एका मॅरेज हॉलमध्ये मोठ्या थाटात विवाह पार पडला. मिरवणूक आली, वधू पक्षाने त्यांचे पुष्पमाला घालून स्वागत केले, द्वारपूजा झाली, जयमालेचा सोहळा रंगला आणि पहाटेपर्यंत लग्नविधी पार पडले.

advertisement

बुधवारी दुपारी ही नववधू आपल्या सासरी गेली. परिसरातील स्त्रियांनी तिचे घरात स्वागत केले. अजून अनेक महिलांना वधूचा चेहरा धड पाहता आला नव्हता, तेवढ्यात तिने घराच्या उंबरठ्याबाहेर येऊन एक धक्कादायक घोषणा केली. तिने स्पष्टपणे सांगितले, "मी या घरात राहणार नाही."

नव्या नवरीचे हे बोल ऐकून उपस्थित महिला आणि सासरकडचे लोक अक्षरशः स्तब्ध झाले. सर्वांनी तिला समजावण्याचा प्रयत्न केला, तिचे मन वळवण्याचा प्रयत्न केला, पण ती आपल्या निर्णयावर ठाम राहिली. तिने तातडीने आपल्या माहेरच्या लोकांना बोलावण्याची मागणी केली.

नवरा विशालने आपल्या सासरच्यांना फोन करून बोलावले. थोड्याच वेळात वधूचे आई आणि भाऊ तिथे पोहोचले. त्यांनीही मुलीला खूप समजावले, कारण विचारले, पण नववधूने कोणाचेही ऐकले नाही. तिने फक्त एकच हट्ट धरला, की तिला आपल्या माहेरच्या घरी परत जायचे आहे.

या अनपेक्षित घटनेमुळे घरात तणावाचे वातावरण निर्माण झाले. विशालने सांगितले की, लग्न ठरल्यापासून सर्व काही व्यवस्थित होते. आमचे फोनवर बोलणेही होत असे, पण तिने कधीही लग्न मोडण्याबद्दल किंवा नाखूश असल्याबद्दल संकेत दिले नव्हते. "आम्ही मोठ्या थाटामाटात लग्न केले, घरभर आनंद होता. पण तिने आमच्या सगळ्या स्वप्नांवर पाणी फेरले. जर तिला हे लग्न मान्य नव्हते, तर तिने आधीच सांगायला हवे होते," असे म्हणत विशालने आपली खंत व्यक्त केली.

विशाल आणि त्याच्या कुटुंबियांनी तिला वारंवार 'नकार' देण्याचे कारण विचारले, पण वधूने शेवटपर्यंत 'कारण' सांगितले नाही. घरात जमलेल्या सगळ्या नातेवाईकांच्या आणि लोकांच्या समोर तिने केवळ माहेरला जाण्याची आणि विशालसोबत न राहण्याची जिद्द धरली.

शेवटी, ही समस्या सोडवण्यासाठी ५ तास पंचायत चालली. दोन्ही कुटुंबांतील सदस्य आणि प्रतिष्ठित लोक तिथे उपस्थित होते. एवढा वेळ समजावूनही नववधू आपल्या निर्णयापासून जराही हलली नाही. शेवटी, दोन्ही पक्षांनी आपापले संबंध संपवण्याचा कठोर निर्णय घेतला.

या निर्णयानुसार, लिखापढी (कायदेशीर कागदपत्र) करण्यात आली आणि दोन्ही पक्षांनी त्यावर सह्या केल्या. लग्नात दिलेले सर्व सामान आणि वस्तू परत करण्यात आले आणि या नात्याला पूर्णविराम मिळाला. सुहागरात्रीच्या (Honeymoon) आधीच नववधू आपल्या माहेरच्या घरी परतली. या घटनेमुळे संपूर्ण देवरिया परिसरात उलटसुलट चर्चांना उधाण आले आहे. विशाल आणि त्याच्या कुटुंबासाठी हा मोठा धक्का आहे. "आमच्या सगळ्या कुटुंबाची इज्जत मातीमोल झाली," अशी भावना विशालने व्यक्त केली.