VIDEO : धावत्या बसचा अचानक तुटला पत्रा अन् महिला रस्त्यावरच पडली, चेन्नईतील धक्कादायक घटना

चेन्नईमधून ही धक्कादायक घटना समोर आलीय. धावत्या बसचा अचानक पत्रा तुटला आणि महिला बसमधून खाली कोसळली. सरकारी बससोबत घडलेला हा अपघात पाहून लोक घाबरले आहेत. घटनास्थळी भरपूर गर्दी पहायला मिळाली.

समोर आलेल्या व्हिडीओमध्ये तुम्ही पाहू शकता, एक सरकारी बस आहे आणि बसच्या आजूबाजूने भरपूर गर्दी आहे. चेन्नईमध्ये बस धावत असताना अचानकपणे प्रवासी सीटखालील मजला तुटला. उतरण्यासाठी उभी असलेली महिला रस्त्यावर पडली. या महिलेला लगेच उपचारासाठी रुग्णालयात नेण्यात आलं. सुदैवानं महिलेला गंभीर दुखापत झाली नाही.

advertisement

@BJP_Trends च्या X अकाऊंटवर हा व्हिडीओ शेअर करण्यात आला आहे. 1 मिनिट 10 सेकंदांच्या या व्हिडीओनं चांगलीच खळबळ उडवली आहे. तामिळनाडू भाजपचे प्रमुख के अन्नामलाई यांनीही या अपघाताबाबत राज्य सरकारला धारेवर धरलं आहे.