TRENDING:
उत्तर प्रदेशमधील या लग्नाची चर्चा होते आहे. मुझफ्फरनगरच्या नागवा गावातील अवधेश राणा एक कॉस्मेटिक व्यावसायिक. त्याचं लग्न सहारनपूर जिल्ह्याच्या रंखंडी गावातील अदितीशी सिंगशी ठरलं. अदितीचे वडील सुनील सिंग यांचा कोरोना महासाथीत मृत्यू झाला होता. त्यानंतर अदिती तिचा भाऊ आणि आई सीमा देवी त्यांचा मामा सुखपाल सिंगच्या घरी शहाबादिपुरात राहत होते. अदितीने MSc पूर्ण केलं त्यानंतर तिच्या आजोबांनी तिच्या लग्नाचा निर्णय घेतला. त्यांनी तिच्या लग्नाची संपूर्ण व्यवस्था केली. अगदी त्यांनी हुंडा द्यायचीही तयारी दर्शवली. थोडाथोडका नव्हे तर तब्बल 31 लाख रुपयांचा हुंडा.
advertisement
बाजूला बसलेली नवरी, मोबाईलवर दिसला तिचा फोटो, नवरेदवाने लग्नच मोडलं; प्रकरण काय?
22 नोव्हेंबर... लग्नाचा दिवस. नवरदेव अवधेश नवरी अदितीला घ्यायला वाजतगाजत आला. त्यांचं स्वागनत करण्यात आलं. त्यानंतर अदितीच्या कुटुंबाने अवधेशसमोर पैशांच्या नोटांनी सजवलेलं ताट ठेवलं. त्यात 31 लाख रुपयांच्या नोटा होत्या. ज्या हुंडा म्हणून दिल्या जात होत्या. पण अवधेशन या 31 लाखांतील फक्त एक रुपया घेतला. 31 लाखांचा हुंडा त्याने वधूच्या कुटुंबाला परत केला.
हुंड्याचे पैसे वधूपक्षाला परत करताना वर त्यांच्यासमोर हात जोडून नतमस्तक झाला आणि म्हणाला, "हे वधूच्या वडिलांचे कष्टाने मिळवलेले पैसे आहेत. मी हे स्वीकारू शकत नाही. मला हे घेण्याचा कोणताही अधिकार नाही." अवधेशच्या आईवडिलांनीही त्याला त्याच्या या निर्णयात साथ दिली, ते त्याच्या निर्णयाच्या बाजूने होते. तर वधूपक्षानेही याबद्दल मनापासून कृतज्ञता व्यक्त केली.
यानंतर वरमाला, कन्यादान अशा विधींसह अगदी थाटात उत्साह विवाह पार पडला. वधू हसतमुखाने आणि सन्मानाने तिच्या नव्या घरी गेली. गावकऱ्यांनी वराच्या या भूमिकेचं कौतुक करत हे हुंड्याविरोधातील एक मजबूत संदेश आणि विवाहातील समतेकडे मोठं पाऊल असल्याचं म्हटलं.
गावकऱ्यांनी सांगितलं की अवधेश राणाने सर्वांसमोर हात जोडून पैसे परत केल्याची घटना आता संपूर्ण जिल्ह्यात चर्चेचा विषय बनली आहे. हुंडा मागणाऱ्यांना दिलेला प्रतीकात्मक कठोर संदेश. हे लग्न आता हानिकारक सामाजिक प्रथांना नाकारण्याचं आदर्श उदाहरण ठरत आहे, असं एका गावकऱ्याने सांगितलं.