सीईओने स्वतः कर्मचाऱ्यांना “मजा करा आणि भरपूर झोपा” असे सांगून त्यांचा सण अधिक गोड केला. हे ऐकून अनेकांनी सोशल मीडियावर या कंपनीत नोकरी करण्याची इच्छा व्यक्त केली.
याच पार्श्वभूमीवर आता ऑनलाइन प्लॅटफॉर्म पुरवणारी नामांकित कंपनी इन्फो एज (Info Edge) देखील चर्चेत आली आहे. कंपनीने आपल्या कर्मचाऱ्यांना यंदा दिवाळीनिमित्त गिफ्ट्सने भरलेली एक आलिशान सूटकेस भेट दिली आहे. त्यात स्वादिष्ट स्नॅक्सचा सुंदर बॉक्स आणि एक पारंपरिक दिवा देखील ठेवण्यात आला आहे.
advertisement
ऑफिसमध्ये प्रत्येक डेस्कवर एकसारख्या पॅकिंगमध्ये हे गिफ्ट्स ठेवलेले दिसतात आणि त्यामुळे संपूर्ण वातावरण सणासुदीचे वाटते. अनेक कर्मचाऱ्यांनी या क्षणाचे व्हिडिओ आणि रील्स सोशल मीडियावर शेअर केले, ज्यांना लाखो व्ह्यूज मिळाले.
कर्मचाऱ्यांचा उत्साह आणि लोकांची प्रतिक्रिया
या भेटीचे व्हिडिओ व्हायरल झाल्यानंतर अनेक सोशल मीडिया वापरकर्त्यांनी कमेंट्समध्ये आपली प्रतिक्रिया व्यक्त केली. काहींनी लिहिले, “कृपया मला इथे रेफर करा”, तर काहींनी आपल्या कंपनीबद्दल नाराजी व्यक्त करत “आमच्या कंपनीत असं गिफ्ट का नाही मिळत?” असे विचारले.
आणखी काही व्हायरल रिल्समधील गिफ्ट
एक आणखी व्हिडीओ व्हायरल होत आहे ज्यामध्ये कर्मचाऱ्याला एअरफ्रायर, 2000 रुपयाचं वाउचर, सोबतच चांदिचं कॉइन आणि कुनाफा गिफ्ट केलं आहे. याचा व्हिडीओ ही सोशल मीडियावर व्हायरल होतंय. कुणी हे गिफ्ट पाहून आनंदी झालं आहे तर कुणी एवढंच दिलं का? असा प्रश्न उपस्थीत केला आहे.