काय आहे Instagram Watch History फीचर?
या नव्या फीचरच्या मदतीने यूजर आता त्याने आधी पाहिलेल्या सर्व Reels एका ठिकाणी सहज पाहू शकतो. हे फीचर तुमच्या Profile > Settings > Your Activity या सेक्शनमध्ये उपलब्ध आहे.
Instagram चे हेड ऍडम मोसेरी यांनी सांगितलं की, हा फीचर खास त्या वापरकर्त्यांसाठी आहे ज्यांना एखादी Reel आवडल्यावर ती चुकून स्क्रोल होऊन गेल्यामुळे पुन्हा सापडत नाही. आता तुम्ही तारीख, आठवडा किंवा महिन्याच्या आधारे तुमची Watch History फिल्टर करून पाहू शकता.
advertisement
TikTok सारखं, पण अजून Smart
Watch History फीचरचं स्वरूप थोडं TikTok सारखं आहे, पण Instagram ने यात अधिक फ्लेक्सिबिलिटी दिली आहे.
यूजर्स आता केवळ तारीख, क्रिएटर (author) किंवा कंटेंट टाइप नुसारच नाही, तर chronological किंवा reverse order मध्येही Reels पाहू शकतात.
याशिवाय Instagram ने यात अधिक फिल्टर्स आणि प्रायव्हसी कंट्रोल्स जोडले आहेत म्हणजेच तुम्हाला हवं असल्यास कोणतीही Reel तुमच्या Watch History मधून काढून टाकता येईल.
Meta ची नवी रणनीती: Reels अधिक आकर्षक बनवणे
Meta सध्या Instagram च्या Reels प्लॅटफॉर्मला अधिक मजबूत करण्याच्या दिशेने काम करत आहे.
गेल्या काही महिन्यांत Instagram ने Reel Series Linking आणि Picture-in-Picture सारखी फीचर्स सुरू केली होती.
आता या Watch History फीचरमुळे Reels पाहण्याचा अनुभव आणखी सोपा आणि वापरकर्त्यासाठी सोयीस्कर झाला आहे.
हे स्पष्टपणे दिसतंय की Meta, TikTokला टक्कर देण्यासाठी Instagram ला अजून आकर्षक आणि वापरण्यास सोपं बनवत आहे.
Watch History फीचरमुळे आता Instagram यूजर्सना त्यांच्या आवडत्या Reels पुन्हा पाहणं, सेव न करता, डाउनलोड न करता एका क्लिकवर शक्य होणार आहे. सोशल मीडिया लव्हर्ससाठी हा नक्कीच एक game-changing update ठरणार आहे.