चाकूचा टॉयलेटमध्ये वापराचा जबरदस्त असा किचन जुगाड व्हिडीओ. एका गृहिणीने हा जुगाड दाखवला आहे. ज्याचा व्हिडीओ सोशल मीडियावर तुफान व्हायरल होतो आहे. आता चाकूचा टॉयलेटमध्ये काय फायदा असा प्रश्न तुम्हाला पडला असेल. नेमकं काय करायचं आहे ते आपण पाहुयात.
Kitchen Jugaad Video : भांडी घासण्याची नवी पद्धत; काटा चमच्याने होतील स्वच्छ
advertisement
टॉयलेटमध्ये कसा वापरायचा चाकू?
टॉयलेटच्या काही भागावर विशेषतः वेस्टर्न टॉयलेटच्या मागच्या बाजूला खाली जो पाईप असतो त्यावर तुम्हाला सिमेंटसारखं काहीतरी दिसेल. इथं तुम्ही हार्पिक टाका आणि ब्रशने घासा तरी ते निघणार नाही. महिलेनं व्हिडीओ ते दाखवलं आहे. पण हाच भाग तुम्ही चाकू किंवा सुरीनं घासला तर ते सहज निघतं. टॉयलेट पांढरंशुभ्र दिसतं.
अशाच पद्धतीनं कमोडचा खालचा भाग तोसुद्धा टॉयलेट क्लिनर टाकून स्वच्छ होत नाही, बिलकुल जात नाही. इथंसुद्धा तुम्ही चाकूने घासून पाहा आणि मग कमाल बघा. महिलेनं व्हिडीओत सांगितल्यानुसार तिनं हे करताना टॉयलेट क्लिनर टाकलेलं नाही. टॉयलेट क्लिनर न टाकता फक्त चाकूनं घासून तिनं टॉयलेट स्वच्छ केलं आहे. अशाच पद्धतीने टॉयलेटमधील कोपरेही स्वच्छ करता येतील असं या महिलेनं सांगितलं आहे. तुम्ही इंडियन टॉयलेटमधील कोपरे अशापद्धतीने स्वच्छ करू शकता.
Kitchen Jugaad Video : आईस्क्रिम खाल्ल्यानंतर काठी फेकू नका; टॉयलेटमध्ये मोठा फायदा
इथं पाहा व्हिडीओ
टॉयलेट स्वच्छ करण्यासाठी जो चाकू तुम्ही वापरणार आहात तो वेगळा ठेवा, त्याचा वापर किचनमध्ये करू नका असा सल्ला महिलेनं दिला आहे. Unik Vlogger युट्युब अकाऊंटवर हा व्हिडीओ पोस्ट करण्यात आला आहे. व्हिडीओ पाहण्यासाठी इथं क्लिक करा.
(सूचना : हा लेख सोशल मीडियावरील व्हायरल व्हिडीओवर आधारित आहे. न्यूज18मराठीचा याच्याशी काहीही संबंध नाही. न्यूज18मराठी याची हमी देत नाही.)