TRENDING:
गृहिणींकडे बरेच घरगुती जुगाड असतात. काही गृहिणी हे याचे व्हिडीओ सोशल मीडियावर शेअर करतात. अशाच एका गृहिणीने टोमॅटो आणि टूथपेस्टच्या जुगाडाचा हा व्हिडीओ पोस्ट केला आहे. तिने टोमॅटोला टूथपेस्ट लावली आणि त्याचा परिणाम असा की पाहूनच तुम्ही थक्क व्हाल.
व्हिडीओत गृहिणीने सांगितल्यानुसार यासाठी तुम्हाला लालबुंद म्हणजे चांगला पिकलेला टोमॅटो घ्यायचा आहे. टोमॅटोचा वरील थोडासा भाग गोलाकार कापून घ्या. इतर उरलेला भाग तुम्ही इतर पदार्थांसाठी वापरा. छोट्या भागाला टूथपेस्ट लावा. तुम्ही कोणतीही टूथपेस्ट वापरू शकता. टोमॅटोवर ही टूथपेस्ट पसरवा.
advertisement
Jugaad Video - कपाटाची गरजच नाही; एका प्लॅस्टिक बाटलीत नीट मावतील तुमचे सर्व कपडे
आता टूथपेस्ट लावलेल्या या टोमॅटोचं काय करायचं? तर हा टोमॅटो तुम्हाला तुमच्या त्वचेवर चोळायचा आहे. तुमची त्वचा जिथं काळवंडली आहे, तिथं हा टोमॅटो चोळा. महिलेने या व्हिडीओत तो हाताला चोळून दाखवला आहे. टोमॅटो जोपर्यंत त्वचेवर चोळता येतो तोपर्यंत तो चोळा. यानंतर पाण्याने हात धुवून घ्या.
तुम्ही व्हिडीओ नीट पाहिला तर तुम्हाला परिणाम स्पष्ट दिसून येईल. सुरुवातीला हात काळा पडलेला दिसतो. त्यावर टॅनिंग झालेलं आहे. उन्हामुळे त्वचा काळवंडली आहे. पण जसा टूथपेस्ट लावलेला टोमॅटो त्वचेला लावला तशी कमालच झाली. त्वचेवरील टॅनिंग दूर झालं, त्वचेचा रंग उजळला आणि त्वचा चमकदार दिसू लागली.
टुथपेस्ट क्लिनिझिंगचं काम करतं आणि टोमॅटो मॉईश्चराईझरचं. टोमॅटोमध्ये असे घटक असतात जे त्वचेसाठी चांगले असतात. ज्याचा परिणाम तुम्ही या व्हिडीओत पाहिलाच असेल.
Kitchen Jugaad - बटाट्याचा असा वापर तुम्हाला माहितीच नसेल, वाचवू शकतो तुमची वीज; कसं ते पाहा Video
यूट्युब अकाऊंटवर हा व्हिडीओ पोस्ट करण्यात आला आहे. तुम्ही हा उपाय करून पाहा आणि त्याचा परिणाम कसा वाटला ते आम्हाला आमच्या सोशल मीडियाच्या कमेंट बॉक्समध्ये नक्की सांगा.
(सूचना - हा लेख सोशल मीडियावरील व्हायरल व्हिडीओवर आधारित आहेत. न्यूज18मराठीचा याच्याशी संबंध नाही. न्यूज18मराठी याचं समर्थन करत नाही, याची हमी देत नाही किंवा जबाबदारी घेत नाही.)