चित्रपटाच्या सीनलाही लाजवेल असा सीन सध्या व्हायरल होतोय. एक व्यक्ती स्कूटरवर बसून हवेत उडताना दिसला. खरंतर तो अशा हटके प्रकारे पॅराग्लाइडिंग करताना आढळला. याचा व्हिडीओ सोशल मीडियावर चांगलाच धुमाकूळ घालत आहे.
समोर आलेल्या व्हिडीओमध्ये तुम्ही पाहू शकता, स्कूटरवर बसलेल्या या व्यक्तीला हवेत उडताना पाहून लोक आश्चर्यचकित झाले. अनेकांनी या पॅराग्लायडरचा संपूर्ण व्हिडिओ बनवला जो इंटरनेटवर येताच व्हायरल झाला. हिमाचल प्रदेशातील बंदला धारमध्ये हा प्रकार पहायला मिळाला, हर्ष असं या व्यक्तीचं नाव आहे ज्यानं हे धाडस केलं.
advertisement
हर्ष हा प्रशिक्षित पॅराग्लायडर आहे आणि तो बऱ्याच दिवसांपासून काहीतरी वेगळं करण्याचा विचार करत होता. हर्ष हा पंजाबचा असून हे काम पूर्ण करण्याच्या एकमेव उद्देशाने तो बंदला धार येथे आला होता. त्यानं आपली इलेक्ट्रॉनिक स्कूटर पॅराग्लायडरला बांधली आणि स्कूटरवर बसून हवेत उड्डाण केले. पॅराग्लायडर ठराविक वजनानेच उडू शकत असल्यानं हर्षने स्कूटरमधून बॅटरी काढली होती.
दरम्यान, हर्षचं हे धाडस पाहून सर्वच थक्क झालेत. उंचावर अशी स्टंटबाजी पाहून कोणाच्याही अंगावर काटा येईल. हा काही सेकंदांचा व्हिडीओ सोशल मीडियावर चांगलीच खळबळ माजवत आहेत.