मगरीच्या पोटात सापडल्या मौल्यवान वस्तू, PHOTO पाहून बसणार नाही विश्वास

अमेरिकेतील नेब्रास्का येथील प्राणीसंग्रहालयातील मगरीच्या पोटातून काही मौल्यवान गोष्टी सापडल्या आहेत. मगरीच्या पोटातून 70 अमेरिकन नानी सापडली आहेत. हे पाहून डॉक्टरांनाही धक्का बसला.

ही मगर 36 वर्षांची असून रुटिन चेकअपमध्ये मगरीच्या पोटात ही नाणी आढळली. याविषयी पोस्टही शेअर करण्यात आली आहे. Omaha's Zoo & Aquarium नावाच्या इन्स्टाग्रामवर ही पोस्ट शेअर करण्यात आली आहे. हे फोटो इंटरनेटवर तुफान व्हायरल होतायेत.

रेडिओग्राफी करताना मगरीच्या पोटात ही धातूची नाणी दिसली. त्यानंतर मगरीवर शस्त्रक्रिया करुन पोटातून ही नाणी बाहेर काढली. पशुवैद्य असलेल्या क्रिस्टीना प्लॉग सांगतात की, ही नाणी कदाचित प्राणी संग्रहालयात आलेल्या पर्यटकांनी मगरीच्या ठिकाणी टाकली असावीत.