सोशल मीडियाची नशा; प्रसिद्धीसाठी तरुणीनं जीव धोक्यात टाकला, उंच इमारतीवरुन खाली लटकली

इंटरनेटच्या जगात लोक प्रसिद्धीसाठी काहीही करु शकतात. स्वतःचा जीव धोक्यात घालायलाही लोक कमी करत नाहीत. असाच प्रकार सध्या समोर आलेल्या व्हिडीओमध्ये पहायला मिळाला. एक तरुणी उंच बिल्डिंगवरुन स्टंटबाजी करताना दिसून आली. तिनं अक्षरशः तिच्या मित्राच्या हाताच्या सहाय्यानं भल्यामोठ्या बिल्डिंगच्या खिडकीतून लटकली. हे दृश्य पाहूनच अंगावर काटा येतोय.

Deepfake : डीपफेक थांबवण्यासाठी व्हॉट्सॲपचा पुढाकार, 4 भाषांमध्ये मिळणार सुविधा

advertisement

व्हायरल होत असलेल्या व्हिडीओमध्ये तुम्ही पाहू शकता, एक तरुण तरुणी भल्यामोठ्या बिल्डिंगमध्ये आहेत. सोशल मीडियावर व्हिडीओ बनवताना ती मित्राच्या हाताच्या सहाय्यानं एवढ्या मोठ्या बिल्डिंगला लटकते. सुदैवानं मुलीला काही होत नाही. मात्र थोडीशीही चूक झाली असती तर तरुणीचा थेट जीवच गेला असता. कारण ती कोणत्याही सेफ्टीशिवाय ही स्टंटबाजी करत होती.

@interesting_aIl नावाच्या X अकाऊंटवर हा धक्कादायक व्हिडीओ शेअर करण्यात आला आहे. 47 सेकंदांचा हा व्हिडीओ खूपच थरारक आहे. पाहूनच कोणाच्याही अंगावर काटा येईल. लोस प्रसिद्धीसाठी, चर्चेत येण्यासाठी जीवाचीही बाजू लावू शकतात हे या व्हिडीओवरुन पहायला मिळतंय.

दरम्यान, सोशल मीडियावर असे अनेक मजेशीर, धक्कादायक, स्टंटबाजी करतानाचे थरारक व्हिडीओ समोर येत असतात. सोशल मीडियासाठी लोक वेगवेगळ्या गोष्टी करत असतात.