Viral Video : मोमोज टाकून व्यक्तीनं बनवला चहा, किळसवाणा व्हिडीओ पाहून येईल संताप

चहा आणि मोमोज हे लोकांचे आवडते मानले जातात. दोघांची चवही वेगवेगळ्या प्रकारे वाढवली जाते. पण चहामध्ये मोमोज मिसळले तर? नुकताच सोशल मीडियावर एक व्हिडिओ व्हायरल झाला आहे. या व्हिडिओमध्ये एक व्यक्ती मोमोज चहा बनवताना दिसत आहे.

समोर आलेल्या व्हिडीओमध्ये तुम्ही पाहू शकता, या व्यक्तीने चहा बनवण्यासाठी मोमोजचा वापर केला आहे. याशिवाय अंडयातील बलक देखील मिसळले आहे. व्यक्तीचे असं वागणं पाहून लोक संतप्त झाले आहेत. हा व्हिडिओ पाहणाऱ्या लोकांनी या विचित्र मिश्रणाविषयी संताप व्यक्त केलाय.

advertisement

foodiekashif नावाच्या इन्स्टाग्राम अकाऊंटवर हा व्हिडीओ शेअर करण्यात आला आहे. काहीच वेळात व्हिडीओ इंटरनेटवर खळबळ माजवताना पहायला मिळाला. व्हिडीओवर भरपूर कमेंट येत आहेत.

दरम्यान, खाण्यामध्ये विचित्र मिश्रण करुन विक्रेते ग्राहकांचं लक्ष वेधण्याचा प्रयत्न करतात. मात्र कधी कधी खूपच किळसवाणे पदार्थ मिश्रण करुन दिले जातात.