TRENDING:
चिमुकल्याला 700 रुपयांमध्ये 'थार' कार हवीय. यासाठी त्याचं प्लॅनिंग पाहून तुम्हीही डोक्यावर हात मारुन घ्याल. महिंद्राची थार कार 700 रुपयांमध्ये कशी येईल याविषयी मुलगा व्हिडीओमध्ये सांगतोय. हा व्हिडीओ पोस्ट करताच इंटरनेटवर तुफान व्हायरल झाला.
व्हिडिओमध्ये मूल एका व्यक्तीशी बोलत आहे. तो सांगतो की त्याला एक थार कार घ्यायची आहे. महिंद्रा कंपनीच्या XUV700 कारचं नाव थार असल्याचं तो सांगतो. कारच्या पुढे 700 लिहिलं आहे कारण ती कार फक्त 700 रुपयांना मिळते, असं त्याचं म्हणणं आहे. मग तो पर्समध्ये असलेले 700 रुपये देऊन कंपनीच्या शोरूममध्ये जाऊन थारची गाडी घेईल.
advertisement
आनंद महिंद्रांनी हा व्हिडीओ त्यांच्या ट्विटर अकाऊंटवर शेअर केला आहे. 1 मिनिट 29 सेकंदांचा हा व्हिडीओ सध्या सोशल मीडियावर तुफान व्हायरल होतोय. व्हिडीओवर अनेक कमेंट आणि लाईक्स येताना दिसत आहेत.
दरम्यान, सोशल मीडियावर मुलांचे असे अनेक व्हिडीओ समोर येत असतात. अनेक व्हिडीओ चर्चेत येत असतात. मुले कधी काय करतील आणि काय तर्क लावतील याचा अंदाज लावणं अवघड आहे. मात्र त्यांचा निरागसपणा आणि खट्याळपणा नेटकऱ्यांचं मन जिंकत असतो.