TRENDING:
सध्या मेट्रोमधील एका कपलचा व्हिडीओ सर्वांचं लक्ष वेधून घेतोय. तरुण तरुणी जे विचित्र प्रकार करत होते ते पाहून कोणीही चकित होईल. अशा प्रकारचे व्हिडीओ कायमच मेट्रोमधून समोर येत असतात.
व्हिडिओमध्ये तुम्ही पाहू शकता की, मुलगा आणि मुलगी दिल्ली मेट्रोमध्ये बसले आहेत. यादरम्यान मुलाने आपला पायातील शूज काढला असून हातात पकडलाय. तर मुलीच्या हातात कोल्ड्रिंकची बाटली आहे. मग मुलगी मुलाच्या हातातील शूजमध्ये कोल्ड्रिंक टाकते, त्यानंतर मुलगा त्यात एक पाईप टाकतो आणि कोल्ड्रिंक पिऊ लागतो. त्यानंतर ती मुलगीही शूजमधील कोल्ड्रिंक पिते. कोल्ड्रिंक्स पिण्याचा हा विचित्र प्रकार पाहून कोणालाही किळस येईल.
advertisement
rkramaad_009 नावाच्या इन्स्टाग्राम अकाऊंटवर हा व्हिडीओ शेअर करण्यात आला आहे. काहीच वेळात व्हिडीओ इंटरनेटवर धुमाकूळ घालताना दिसून आला. व्हिडीओवर भरपूर कमेंटही येताना दिसत आहेत. बऱ्याच लोकांनी कपलच्या या कृतीवर संताप व्यक्त केला. सोशल मीडियावर प्रसिद्धीसाठी आजची तरुणाई अशा विचित्र गोष्टी करायलाही मागे पुढे पाहत नाही.