Viral Video : सीलिंग फॅनवर बसला होता भलामोठा किंग कोब्रा, श्वास रोखणारं दृश्य

इन्स्टाग्रामवरच्या @chandrasekaran6102 नावाच्या अकाउंटवरून हा व्हिडिओ शेअर करण्यात आला आहे. या व्हिडिओत किमान 12 फुटाचा महाकाय किंग कोब्रा सीलिंग फॅनला वेटोळं घालून बसलेला दिसत आहे. हे दृश्य पाहिल्यावर कोणीही घाबरून जाईल. कोब्रा त्या पंख्यावर इकडे तिकडे फिरताना दिसत आहे. त्यामुळे हा पंखादेखील जोरात हलताना दिसत आहे. अशा स्थितीत हा कोब्रा खाली पडण्याचादेखील धोका दिसत आहे. क्षणभर विचार करा, जर तुम्ही या खोलीत याच पंख्याखाली झोपलेले असतात, तर हे दृश्य पाहिल्यावर तुमची अवस्था कशी झाली असती?

advertisement

45 हजारांपेक्षा जास्त लाइक्स

हा व्हिडिओ काही दिवसांपूर्वी शेअर करण्यात आला आहे. हा व्हिडिओ दोन लाखांहून जास्त वेळा पाहिला गेला आहे. त्याला 45 हजारांपेक्षा जास्त लाइक्स मिळाले आहेत. पंख्याला वेटोळं घालून बसलेला कोब्रा पाहिल्यावर सोशल मीडिया युझर्स भयभीत झाले आहेत. हा पंखा एका झोपडीत लावला असल्याचं व्हिडिओत दिसत आहे. त्यामुळे हा नाग झोपडीच्या एखाद्या फटीतून आत आला आणि पंख्याला वेटोळं घालून बसला असावा, असं वाटत आहे.

सोशल मीडियावर नेहमीच वन्य प्राणी, सरपटणारे प्राणी, तसंच जलचर प्राण्यांचे खास व्हिडिओ शेअर केले जातात. या व्हिडिओजना खूप लाइक्सदेखील मिळतात. यापैकी काही व्हिडिओ मनोरंजक, तर काही धक्कादायक असतात. किंग कोब्राचा हा व्हिडिओ भीतिदायक आणि धक्कादायक आहे. हा व्हिडिओ पाहिल्यावर शेतात, अडगळीच्या ठिकाणी, जंगलात वावरताना किंवा अशा ठिकाणी घर असेल तर खूप काळजी घेणं आवश्यक असल्याचं जाणवतं. कारण अशी ठिकाणी साप, नाग किंवा किंग कोब्राचा वावर असण्याची शक्यता नाकारता येत नाही. हा व्हिडिओ या संदर्भात प्रबोधन करणारा आहे, असं म्हणायला काहीच हरकत नाही.

Keywords : Social Media, Viral Video, Instagram, King Cobra, Snake, Selling Fan, Weird Videos

Link : https://hindi.news18.com/news/ajab-gajab/viral-video-of-king-cobra-coiled-around-ceiling-fan-inside-house-8032552.html

स्वानंद