हल्ली लोकांना साहसी गोष्टी करायला फार आवडतात. त्यामध्ये स्कायडायव्हिंग, बंजी जंपिंग सारख्या गोष्टी खूपच पॉप्युलर झाल्या आहेत. यासंबंधीत फोटो-व्हिडीओ सोशल मीडियावर पाहिले असतील.
असाच एक व्हिडिओ व्हायरल होत आहे. या व्हिडिओमध्ये एक हृदयद्रावक घटना दाखवण्यात आली आहे, जी तुम्हाला असा साहसी प्रकार करण्यापूर्वी विचार करायला भाग पाडेल. स्कायडायव्हिंग करताना एका स्कायडायव्हरला हृदयाचा झटका आल्याचे या व्हिडिओमध्ये दिसत आहे.
advertisement
व्हिडिओमध्ये स्कायडायव्हर बेशुद्ध अवस्थेत अनियंत्रितपणे खाली पडताना दिसत आहे. मात्र, या स्कायडायव्हरचा साथीदार आणि ट्रेनर लगेच त्याच्या मदतीसाठी पोहोचतो. ट्रेनरने अत्यंत सावधगिरीने स्कायडायव्हरला वाचवले आणि स्थिर लँडिंग देखील केलं. त्यामुळे मोठी दुर्घटना टळली.
सीएनएनच्या रिपोर्टनुसार, हा व्हायरल व्हिडिओ 2015 सालचा आहे. व्हिडिओमध्ये दिसणारा स्कायडायव्हर क्रिस्टोफर जोन्स असे असून तो ऑस्ट्रेलियातील पर्थचा रहिवासी आहे. क्रिस्टोफर जोन्स हा स्कायडायव्हिंग करत होता तेव्हा त्याला हृदयविकाराचा झटका आला. काही वेळातच त्याचा ट्रेनर शेल्डन मॅकफार्लेननेही त्याला वाचवण्यासाठी उडी घेतली. मॅकफार्लेनने जोन्सला सुमारे 4,000 फुटांवर पकडले आणि रिप कॉर्ड ओढली. मॅकफार्लेनच्या अनेक प्रयत्नांनंतर, जोन्स पुन्हा शुद्धीवर आला.
यानंतर त्याचे सॉफ्ट लँडिंग झाले. ही संपूर्ण घटना ट्रेनर शेल्डन मॅकफार्लेनच्या कॅमेऱ्यात कैद झाली आहे.