अमेरिकेतील लॉस एंजेलिसमध्ये राहणारा जेम बॅरेट 30 वर्षांचा आहे आणि व्यवसायाने रेकॉर्डिंग कलाकार आहे. सध्या तो त्याच्या पाच पत्नी कॅमेरून (29 वर्षे), जेसिका (31 वर्षे), रेट (28 वर्षे), गॅबी (30 वर्षे) आणि डायना (30 वर्षे) यांच्यासह एकाच घरात राहतो. जेमचे कॅमेरून आणि जेसिकासोबत 13 वर्षांचे, रेटाशी 8 वर्षांचे, गॅबीसोबत 7 वर्षांचे आणि डायनासोबत 4 वर्षांपासून रिलेशन आहे.
advertisement
प्रेमात पडलात, लग्नही केलं, पण आता होतोय पश्चाताप, लव्ह मॅरेज तरी नात्यात दुरावा का? 5 मोठी कारणं
जेम 11 मुलांचा बाप आहे
जेमला त्याच्या पाच बायकांपासून एकूण 11 मुलं आहेत. मोठा मुलगा 12 वर्षांचा आहे आणि धाकटा 11 महिन्यांचा आहे. जेमच्या मुलांची नावे एडेन (12 वर्षे), एबेल (11 वर्षे), जेसी (9 वर्षे), अयान (6 वर्षे), जेट (5 वर्षे), जेडी (4 वर्षे), सोफिया (4 वर्षे), ऑक्टाव्हिया (3 वर्षे), बॉबी (2 वर्षे), क्लियो (1 वर्षे) आणि समर (11 महिने) आहेत.
आता शोधतोय सहावी बायको
अलीकडेच जेम आणि त्याच्या पत्नींचा एक व्हिडिओ सोशल मीडियावर व्हायरल झाला. या व्हिडिओमध्ये पाच पत्नींचा एकुलता एक पती जेम आता स्वतःसाठी सहावा जोडीदार शोधत आहे. तो त्याच्या सहाव्या पत्नीसाठी ऑनलाइन अर्ज मागवत आहे. तो म्हणतो, "हे फक्त नातेसंबंध बनवण्याबद्दल नाही. माझा सहावा जोडीदार असा असावा जो मला आणि माझ्या पत्नींना एका कुटुंबासारखा वाटेल."
बायकोही नवऱ्यासाठी शोधत आहे बायको
हे वाचून तुम्हाला आश्चर्य वाटेल, पण जेव्हा जेमने त्याचा सहावा जोडीदार शोधायला सुरुवात केली तेव्हा त्याच्या बायकांना राग आला नाही. उलट सहाव्या जोडीदाराच्या शोधात जेमच्या काही बायका त्याला साथ देत आहेत, पण सर्वच सहमत नाहीत. जेम म्हणाला, "माझ्या एका बायकाने हो म्हटलं, एकीनं नाही म्हटलं आणि बाकीच्या अजूनही विचार करत आहेत. मी सक्ती करणार नाही, सर्वांची संमती आवश्यक आहे."
लग्न कराल तर जास्त जगाल! संशोधन सांगतंय लग्न केल्याने वाढतं वय, पण कसं काय?
जेमने सहाव्या जोडीदाराचा शोध सुरू केल्यानंतर, अनेक मुलींनी त्यासाठी अर्जही केला आहे आणि त्याच्या पत्नी ते तपासत आहेत. व्हिडिओमध्ये त्या एका मुलीकडे मान हलवत आणि हावभाव करताना दिसत आहेत, तर जेम त्यांच्या मागे उभा आहे. पोस्टचं कॅप्शन असं की, "जर तुम्हाला बॅरेट बनायचं असेल, तर तुम्हाला आमच्या आणि त्याच्याशी व्हिब जुळवावा लागेल."
जेम म्हणाला की सहावा जोडीदार त्याच्या आयुष्यातील शेवटचा असेल. यानंतर, तो दुसऱ्या कोणालाही शोधणार नाही. तो म्हणाला, "ही माझी मर्यादा आहे. मला इतर मुलींसोबत बाहेर जाण्याची परवानगी आधीच आहे. सहावी पत्नी म्हणजे नवीन साहस नाही, तर कुटुंब चांगलं बनवणं."