Eid ul Fitr 2026: भारतात रमजानची तारीख कोण ठरवतं? शाही इमामांची घोषणा, दिवस पुढे-मागे का होतो

मुंबई : रमझान ईद कधी साजरी होणार याकडे आता अनेकांच्या नजरा लागल्या आहेत. ईद-उल-फितरची तारीख चंद्र दर्शनावर अवलंबून असून हेच या सणाचे सर्वात मोठे वैशिष्ट्य आहे. इस्लामिक कॅलेंडर चंद्राच्या गतीवर आधारित असल्याने महिन्याची सुरुवात आणि शेवट दोन्ही चंद्र पाहूनच ठरवले जातात. रमझानच्या 29 व्या दिवशी संध्याकाळी जर चंद्र दिसला, तर दुसऱ्या दिवशी ईद साजरी होते. जर त्या दिवशी चंद्र दिसला नाही, तर रमझानचे 30 रोजे पूर्ण केले जातात आणि त्यानंतरच्या दिवशी ईद साजरी केली जाते. त्यामुळे दरवर्षी ईदची तारीख बदलत असते आणि ती आधीच निश्चित करता येत नाही. भारतातील लाखो लोक आकाशाकडे डोळे लावून या क्षणाची वाट पाहत असतात, कारण याच काळात आनंदाच्या सर्वात मोठ्या उत्सवाला सुरुवात होते.