Shani Amavasya 2025: शनि अमावस्येला या 5 मंत्रांचा उच्चार शुभ फळदायी! साडेसाती-अडीचकी होते प्रभावहीन

मुंबई : हिंदू धर्मात शनी अमावस्येला खूप विशेष महत्त्व आहे. अमावस्या तिथी शनिवारी येते, तेव्हा तिला शनी अमावस्या किंवा शनैश्चरी अमावस्या असं म्हणतात. हा दिवस शनिदेवाला समर्पित आहे. या दिवशी शनिदेवांची पूजा केल्याने जीवनातील अनेक संकटे दूर होतात, अशी धार्मिक श्रद्धा आहे. शनी अमावस्येला स्नान आणि दान केल्याने पापे नष्ट होतात आणि पुण्य प्राप्त होते. शनी अमावस्येच्या दिवशी स्नान आणि दान केल्यानंतर तुम्ही काही मंत्रांचा जप करू शकता. या मंत्रांचा जप केल्याने त्रास दूर होतील आणि तुम्हाला देवतांचे आशीर्वाद मिळतील. शनी अमावस्येला कोणते मंत्र जप करावेत ते जाणून घेऊया.