Shani Astrology: शनिचा फेरा कधी, कसा छळणार? मेष, वृषभ, मिथुन राशींचा टाईम फिक्स; कर्मफळ

सध्या शनि मीन राशीत विराजमान आहे. २९ मार्च २०२५ रोजी शनी कुंभ राशीतून मीन राशीत प्रवेश केला आहे, ज्यामुळे काही राशींसाठी साडेसाती सुरू झाली असून काहींसाठी ती अजून विलंबाने सुरू होईल.

सध्याच्या ग्रहस्थितीनुसार मेष, वृषभ आणि मिथुन या तीन राशींपैकी मेष राशीवर शनिच्या साडेसातीचा प्रभाव आहे. २९ मार्च २०२५ रोजी शनीने मीन राशीत (मेष राशीच्या १२व्या भावात) प्रवेश केल्याने मेष राशीसाठी साडेसातीचा पहिला टप्पा सुरू झाला आहे. हा टप्पा साधारणपणे २.५ वर्षे असेल. या राशीवरील साडेसाती ३१ मे २०३२ पर्यंत राहील. हा साडेसातीचा प्रारंभिक टप्पा असल्याने, मेष राशीच्या व्यक्तींना नवीन आव्हाने आणि बदलांना सामोरे जावे लागू शकते.

मेष राशीच्या लोकांच्या खर्चात वाढ होण्याची शक्यता आहे, त्यामुळे आर्थिक नियोजनावर विशेष लक्ष देणे आवश्यक आहे. गुंतवणुकीचे निर्णय जपून घ्या. आरोग्याच्या किरकोळ समस्या किंवा जुनाट आजार डोके वर काढू शकतात. आरोग्याची काळजी घेणे महत्त्वाचे आहे. अज्ञात भय, चिंता किंवा मानसिक तणाव जाणवू शकतो. कधीकधी एकाकीपणाची भावना येऊ शकते. कामाच्या ठिकाणी काही समस्या किंवा अडथळे येऊ शकतात. नवीन सुरुवात करताना किंवा मोठे बदल करताना विचारपूर्वक निर्णय घ्या.

वृषभ रास - वृषभ राशीवर सध्या शनि साडेसाती नसून कोणताही शनिदोष नाही. २९ मार्च २०२५ रोजी शनि मीन राशीत प्रवेश केल्याने वृषभ राशीच्या लोकांवर शनिच्या साडेसाती किंवा अडीचकीचा कोणताही नकारात्मक प्रभाव नाही. उलट, शनिचे हे भ्रमण वृषभ राशीच्या व्यक्तींसाठी काही प्रमाणात शुभ ठरू शकते. तुम्हाला करिअरमध्ये प्रगती, उत्पन्नाचे नवीन मार्ग आणि शैक्षणिक क्षेत्रात यश मिळू शकते. मानसिक तणाव कमी होऊन आत्मविश्वास वाढण्याची शक्यता आहे.

मिथुन रास - सध्याची स्थितीत मिथुन राशीवर शनि साडेसाती नाही. शनि मीन राशीत प्रवेश केल्याने मिथुन राशीच्या व्यक्तींवर शनिच्या साडेसाती किंवा अडीचकीचा कोणताही नकारात्मक प्रभाव नाही. ज्योतिषशास्त्रानुसार, शनिचे हे गोचर मिथुन राशीच्या लोकांसाठी शुभ फलदायीच राहिले आहे. धनलाभ, आरोग्याच्या समस्यांपासून मुक्ती आणि व्यवसायात नवीन संधी मिळू शकतात.

साडेसातीचा त्रास कमी करायचा असेल, तर दररोज हनुमान चालीसा किंवा बजरंग बाण वाचा. शनिवारी शनि मंदिरात दर्शन घ्या, मोहरीचे तेल अर्पण करा आणि तेलाचा दिवा लावा. "ॐ शं शनैश्चराय नमः" या मंत्राचा जप करा. गरजू आणि गरिबांना दानधर्म करा, विशेषतः काळे तीळ, उडीद डाळ, मोहरीचे तेल किंवा काळ्या वस्तू दान करा.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)