Shravan 2025: स्वच्छ पाणी म्हणून RO च्या भानगडीत पडू नका! श्रावणात पिंडीवर असा जलाभिषेक फळदायी

मुंबई : लवकर पवित्र श्रावण महिना सुरू होणार आहे, श्रावण महिना धार्मिक दृष्टिकोनातून महत्त्वाचा मानला जातो. श्रावण महिना महादेवाच्या पूजेसाठी समर्पित आहे. या संपूर्ण महिन्यात शिवलिंगावर जल अर्पण, रुद्राभिषेक आणि उपवास यांना विशेष महत्त्व आहे. श्रावणात पूर्ण विधीपूर्वक भगवान शंकराची पूजा केल्यानं सर्व पापांपासून मुक्तता मिळते. श्रावण महिन्यात बरेच लोक पूजा करताना दररोज शिवलिंगावर जल अर्पण करतात. शिवलिंगावर गंगाजल अर्पण करणे सर्वात पवित्र मानले जाते. पण, शिवलिंगावर शुद्ध पाणी अर्पण करावं म्हणून बरेच लोक आरओ पाणी देखील अर्पण करतात. पण शिवलिंगावर आरओ पाणी अर्पण करावे की नाही? शास्त्रांनुसार काय नियम आहे ते जाणून घेऊया.