येतो उन्हाळा, वाहनं सांभाळा! कार आणि EV दुचाकींना का लागते आग? ही आहेत 5 कारणं!

छत्रपती संभाजीनगर : सध्या उन्हाळ्याचा कडाका वाढत असून त्याचा थेट परिणाम मानवी जीवनासोबतच तंत्रज्ञानावरही होत आहे. विशेषतः इलेक्ट्रिक वाहने वापरणाऱ्यांसाठी ही कडक उष्णता चिंतेचा विषय ठरत आहे. ई-वाहनांमध्ये प्रामुख्याने लिथियम-आयन बॅटरी वापरली जाते, ज्यावर अतिउष्णतेमुळे अंतर्गत रासायनिक प्रक्रियांवर ताण पडतो. यामुळे बॅटरी ओव्हरहीट होऊन थर्मल रनअवे म्हणजेच बॅटरीला आग लागण्याचा धोका संभवतो. त्यामुळे उन्हाळ्यात इलेक्ट्रिक वाहने सुरक्षित ठेवण्यासाठी विशेष खबरदारी घेणे आता महत्त्वाचे झाले आहे.