FASTag मध्ये आता नवीन बदल, कार आणि मोठ्या वाहनांचं काम झालं आणखी सोप्पं!

दरवर्षी लाखो ट्रक आणि व्यावसायिक वाहने या रस्त्यांवरून धावतात. केवळ २०२४-२५ या आर्थिक वर्षात, देशात अंदाजे ९५.७ दशलक्ष व्यावसायिक वाहने विकली गेली. या रस्त्यांवरून देशातील ७०% मालवाहतूक आणि ८५% प्रवासी वाहतूक होते. इतकं मोठं रस्ते जाळं आणि लाखो वाहनांमुळे देशाचा व्यवसाय रस्ते वाहतुकीवर मोठ्या प्रमाणात अवलंबून आहे.  वाहतूक आणि लॉजिस्टिक्स कंपन्यांना अजूनही एक मोठी समस्या भेडसावत आहे. टोल किंवा पार्किंगसाठी त्यांचे FASTags रिचार्ज करण्यासाठी वाहनचालकांना रोख रकमेवर अवलंबून राहावे लागतं. रोख रकमेमुळे अनेक वेळ टोल नाक्यावर वाहनांच्या रांगा लागतात.  या आव्हानांना तोंड देण्यासाठी, OmniCard ने भारतातील पहिला UPI ऑटोपे-आधारित FASTag सादर केला आहे, विशेषतः व्यवसाय आणि वाहतूक कंपन्यांसाठी.

"देशातील लाखो ट्रक चालकांना दररोज विलंब आणि तोटा सहन करावा लागतो आणि ही FASTag प्रणाली त्यांचे जीवन आणि व्यवसाय दोन्ही सोपे करेल. हा FASTag मानवी हस्तक्षेप कमी करण्यासाठी डिझाइन केला आहे. UPI ऑटोपे आणि डिजिटल नियंत्रण प्रत्येक खर्च पारदर्शक आणि स्वयंचलित बनवते' असं ओमनीकार्डचे सीओओ आणि सह-संस्थापक अभिषेक सक्सेना यांनी न्यूज18 नेटवर्कला सांगितलं.

FASTag हे iFleet Pay प्लॅटफॉर्मसह एकत्रित केले आहे, जे कंपन्यांना ट्रिप ट्रॅकिंग, जिओ-फेन्सिंग, ड्रायव्हर नियंत्रण आणि खर्च व्यवस्थापनासाठी एकच प्लॅटफॉर्म प्रदान करते. ट्रकचालक आणि व्यावसायिक वाहन मालकांना आता त्यांचे FASTag रिचार्ज करण्याची किंवा रोख रक्कम वाहून नेण्याची काळजी करण्याची गरज नाही. UPI ऑटोपे प्रणाली सर्वकाही स्वयंचलित करेल.