Ratan Tata : इंडिकामुळे थट्टा झाली, 10 वर्षात फोर्डला शिकवला धडा, तर स्कूटरपासून प्रेरणा घेत सामान्यांसाठी आणली नॅनो

सर्वसामान्यांना परडवणारी अशी सर्वात स्वस्त कार नॅनो ही टाटा मोटर्सने बाजारात आणली. रतन टाटा यांना नॅनो कारचे शिल्पकार म्हटलं जातं. दुचाकी वापरणाऱ्या भारतीय कुटुंबाला परडवणारी कार बनवण्यासाठी त्यांनी नॅनोची निर्मिती केल्याचं सांगितलं होतं. रतन टाटांनी एका इन्स्टा पोस्टमध्ये म्हटलं होतं की, भारतातील कुटुंबं स्कुटरवरून जाताना नेहमी बघत आलो. आई-बाबा आणि त्यांची मुलं अशी गाडीवरून फिरायची. ते पाहूनच मला कुटुंबासाठी आणि परडवणारी अशी कार निर्माण करण्याची इच्छा झाली.