8th Pay Commissionचा 'श्रीगणेशा', पगारवाढीचा फॉर्म भरण्यास सुरुवात; लाखो कर्मचाऱ्यांची प्रतीक्षा संपली, सरकारचा मोठा निर्णय

8व्या केंद्रीय वेतन आयोगासाठी https://8cpc.gov.in हे स्वतंत्र संकेतस्थळ सुरू करण्यात आले आहे. आयोगाची औपचारिक स्थापना झाल्यानंतर या पोर्टलद्वारे मंत्रालये, विभाग, कर्मचारी, पेन्शनधारक आणि संबंधित घटकांकडून सूचना मागवण्यात येत आहेत.

8व्या वेतन आयोगासाठी व्यापक स्तरावरून सूचना मागवण्यात आल्या आहेत. त्यामध्ये केंद्रीय मंत्रालये आणि विभागातील कर्मचारी, केंद्रशासित प्रदेशांतील कर्मचारी, न्यायव्यवस्थेतील अधिकारी आणि न्यायालयीन कर्मचारी, नियामक संस्थांचे सदस्य, कर्मचारी संघटना, निवृत्त सरकारी कर्मचारी आणि पेन्शनधारक, संशोधक, प्राध्यापक आणि अभ्यासक, सामान्य नागरिक याशिवाय मंत्रालये आणि विभागांनी नियुक्त केलेले अधिकृत नोडल अधिकारी देखील सूचना सादर करू शकतात.

8व्या वेतन आयोगासाठी अभिप्राय पाठवण्याची अंतिम मुदत 16 मार्च निश्चित करण्यात आली आहे. त्यानंतर प्रश्नावली भरता येणार नाही.

सूचना देण्यासाठी MyGov पोर्टलवरील अधिकृत लिंक वापरणे बंधनकारक आहे. यासाठीची लिंक पुढील प्रमाणे: https://www.mygov.in/mygov-survey/8th-central-pay-commission-questionnaire/