Tata Sierra ही तर नुसती झलक, कंपनीचा पुढला प्लॅन आला समोर, CNG मध्ये Sierra येणार का?

येणार येणार म्हणत अखेरीस टाटा मोटर्सने आपली लिजेंड एसयूव्ही टाटा सिएरा लाँच केली आहे. टाटा सिएराने फिचर्स आणि किंमतीच्या तुलनेमध्ये मार्केटमध्ये धुरळा उडला आहे. कमी किंमत आणि दमदार फिचर्ससह आलेल्या सिएरामुळे ऑटोमोबाईल इंडस्ट्रीमध्ये भूकंप आला आहे. tata sierra ही एकूण ७ व्हेरियंटससह लाँच झाली आहे. पण, काही गोष्टी अजूनही कमी आहे. जसं आधीची tata sierra ही फोर व्हील ड्राईव्ह होती. पण, नवीन tata sierra मध्ये असं काही पाहण्यास मिळालं नाही. पण, टाटा मोटर्सने आपले पत्ते झाकून ठेवले आहे. टाटा मोटर्स   ऑल-व्हील ड्राइव्ह, ७-सीटर लेआउट आणि सीएनजी मॉडेलवर काम करत आहे, अशी माहिती समोर आली आहे.