सर्वात स्वस्त कार लोन कुठे मिळतं? 'ही' आहे टॉप बँकांची लिस्ट 

अनेक बँका सध्या 8% ते 9% व्याजदरात कार लोन देतात. तर काही प्रीमियम ग्राहकांना त्याहूनही कमी दर देतात. व्याजदर तुमच्या CIBIL स्कोअर, उत्पन्न, बँकिंग संबंध आणि कार मॉडेलवर देखील अवलंबून असतात. देशातील सर्वात मोठी सार्वजनिक क्षेत्रातील बँक, स्टेट बँक ऑफ इंडिया, तुम्हाला 8.70% ते 9.70% व्याजदराने कार लोन मिळतील. एचडीएफसी बँक 8.50% ते 10.00% व्याजदराने कार लोन देते.

दुसरीकडे, आयसीआयसीआय बँक 8.75% ते 10.50% व्याजदराने कर्ज देते आणि पंजाब नॅशनल बँक (पीएनबी) 8.65% ते 9.90% व्याजदराने कर्ज देते. बँक ऑफ बडोदा (बीओबी) 8.60% ते 9.50% व्याजदराने कार लोन देते, महिला आणि सरकारी कर्मचाऱ्यांसाठी अतिरिक्त सवलतींसह लोन उपलब्ध असते.

इतर कोणत्याही कर्जाप्रमाणे कार लोन तुमच्या CIBIL स्कोअरवर अवलंबून असतात. तुमचा CIBIL स्कोअर चांगला असेल, तर तुम्हाला स्वस्त व्याजदराने कर्ज मिळू शकते. तुम्ही पगारदार असाल किंवा तुमचे मासिक उत्पन्न चांगले असेल, तर बँक तुम्हाला कमी व्याजदर देऊ शकते. तुम्ही लवकरच कार लोन घेण्याची योजना आखत असाल, तर SBI, BOB आणि PNB सामान्यतः सर्वात परवडणारे पर्याय देतात. HDFC आणि ICICI जलद प्रक्रियेसाठी चांगले असले तरी, कर्ज अंतिम करण्यापूर्वी वेगवेगळ्या बँकांचे व्याजदर आणि ऑफरची तुलना करा, जेणेकरून कार खरेदी करताना तुम्हाला तुमच्या खिशात खड्डा पडणार नाही.