Pariksha pe Charcha 2025 : विद्यार्थी,पालक आणि शिक्षकांसाठी पीएम मोदींनी सांगितले 5 'पंचसूत्र'

पंतप्रधान मोदींनी विद्यार्थ्यांना सांगितले की, त्यांच्यासाठी निरोगी आहार घेणे महत्वाचे आहे. अभ्यासासोबतच चांगली झोप घेणे देखील खूप महत्वाचे आहे. मुलांनी गुगलवर काय खावे आणि काय नाही हे तपासू नये, त्यांनी जे आरोग्यदायी आहे ते खावे. त्यांचे पालक त्यांना जे खायला घालतील ते खा आणि निरोगी राहा. तसेच लिहिण्याची सवय खूप महत्त्वाची आहे. तुम्ही काहीही लिहा, ही सवय तुमच्या विचारांना बांधून ठेवणार आहे. असं पंतप्रधान मोदी यांनी म्हंटलं आहे.

पंतप्रधान मोदी पुढे म्हणाले की, वेळेचे व्यवस्थापन खूप महत्वाचे आहे. सर्वप्रथम आपण आपल्या वेळेचा विचार केला पाहिजे, मी माझा वेळ जास्तीत जास्त कसा वापरतो याबद्दल मी खूप काळजी घेतो. हे सर्व कागदावर लिहून ठेवले पाहिजे आणि वेळेचे व्यवस्थापन केले पाहिजे. ते दररोज चिन्हांकित करा आणि तुम्ही कोणती कामे वेळेवर पूर्ण केली आहेत ते पहा. पंतप्रधान मोदी म्हणाले की, प्रत्येकाने नेहमीच आव्हाने स्वीकारली पाहिजेत. कोणत्याही विषयाकडे आव्हान म्हणून पाहिले पाहिजे. जो विषय तुम्हाला घाबरवतो तो आधी हाताळावा. ज्ञान आणि परीक्षा या दोन वेगवेगळ्या गोष्टी आहेत. शिक्षकांबद्दल बोलताना पंतप्रधान मोदी म्हणाले की, त्यांचे काम विद्यार्थ्यांच्या क्षमता ओळखणे देखील आहे.

पंतप्रधान मोदींनी मुलांना त्यांचे मन कसे शांत ठेवू शकतात हे देखील सांगितले. ते म्हणाले की, निरर्थक बोलण्याऐवजी स्वतःवर लक्ष केंद्रित करणे महत्वाचे आहे. जर तुम्ही इतर गोष्टींबद्दल जास्त बोललात तर तुमचे मन विचलित होऊ शकते. एकाग्र होणे खूप महत्वाचे आहे. तसेच तुम्हाला स्वतःच्या अपयशांना तुमचे शिक्षक बनवायचे आहे हे ठरवावे लागेल. आयुष्य म्हणजे फक्त परीक्षा नव्हे. असंही मोदी म्हणाले

पालकांबाबत बोलताना पंतप्रधान मोदी म्हणाले की, प्रत्येक पालकाच्या काही अपेक्षा असतात. दुसऱ्यांची मुले पाहिल्यानंतर त्यांचा स्वतःचा अहंकार दुखावला जातो. त्यांची सामाजिक स्थितीच त्यांच्यासाठी अडथळा बनते. पालकांना माझे आवाहन आहे की तुम्ही तुमच्या मुलाला सर्वत्र आदर्श बनवू नका. जगातले प्रत्येक मूल सारखे नसते. काही मुले खेळात चांगली असतात तर अभ्यासात कमकुवत असतात. त्यांच्या पालकांनी आणि शिक्षकांनी त्यांच्यातील लपलेल्या प्रतिभेला वाव देणे आवश्यक आहे.

पंतप्रधान मोदींनी शिक्षकांना सांगितले की विद्यार्थ्यांमध्ये तुलना होऊ नये, कोणत्याही विद्यार्थ्याला इतर विद्यार्थ्यांमध्ये व्यत्यय आणू नये. यामुळे त्यांचे मनोबल कमी होणार नाही आणि ते पुढे शिकण्याचा प्रयत्न करतील. मुलांनी अशी व्यक्ती शोधली पाहिजे जी त्यांना सतत प्रेरित करत राहील. माणसाने नेहमी स्वतःला पराभूत करायला शिकले पाहिजे. यासाठी, स्वतःचे ध्येय ठेवणे आणि ते पूर्ण केल्याबद्दल स्वतःला बक्षीस देणे महत्वाचे आहे. असंही पंतप्रधान मोदी यांनी म्हंटले आहे.