Crime News : 16 वर्षीय मुलगी प्रेग्नंट झाल्याने बाप संतापला, 61 वर्षांच्या वृद्धाला कुऱ्हाडीने कापलं

मृत राम आसरे कुशावह हे शेतकरी होते. त्यांना आठ मुली असून, त्यांपैकी 6 मुलींची लग्नं झाली आहेत. दोन मुली अद्याप अविवाहित आहेत. मृत व्यक्ती राहत असलेल्या परिसरातली 16 वर्षांची एक मुलगी गरोदर राहिली होती. तिच्या कुटुंबीयांनी संबंधित मुलीचा 1 जानेवारी 2024 रोजी गर्भपात केला होता. तसंच गर्भवती मुलीला तिच्या पोटात वाढणाऱ्या मुलाच्या वडिलांचं नाव विचारलं असता, तिने राम आसरे यांचं नाव सांगितलं होतं. त्यामुळे रागाच्या भरात मुलीच्या वडिलांनी राम आसरे यांच्या गळ्यावर 22 जानेवारी 2024 रोजी कुऱ्हाडीने वार केला. यामध्ये गंभीर दुखापत झाल्यानं राम यांना तातडीने झाशीच्या मेडिकल कॉलेजमध्ये उपचारांसाठी दाखल करण्यात आलं होतं. तेथेच उपचार सुरू असताना शुक्रवारी (26 जानेवारी 2024) त्यांचा मृत्यू झाला. त्यानंतर शवविच्छेदन करून मृतदेह कुटुबीयांच्या ताब्यात देण्यात आला.

राम आसरे यांचे दुसरे जावई अरविंद यांनी सांगितलं, की ‘अफवा पसरल्यानंतर मुलीच्या कुटुंबीयांनी माझ्या सासऱ्यांबद्दल मनात राग धरला. 21 जानेवारीला सकाळी सासरे घराबाहेर उभे होते. त्याच वेळी मुलीचे वडील कुऱ्हाड घेऊन आले व त्यांनी कुऱ्हाडीने त्यांच्या मानेवर वार केला. त्यांना वाचवण्यासाठी माझी सासू रामश्री गेल्या असता त्यांनाही मारहाण करण्यात आली. गंभीर जखमी झालेल्या सासऱ्यांना उपचारांसाठी रुग्णालयात दाखल करण्यात आलं होतं; पण उपचार सुरू असतानाच त्यांचा मृत्यू झाला.’ दरम्यान, या प्रकरणाची जोरदार चर्चा सध्या हमीरपूर जिल्ह्यात सुरू असून, अधिक तपास पोलीस करत आहेत.